Краткиот филм „Шеќерни луѓе“ на фестивал во Франција

Краткометражниот игран филм „Шеќерни луѓе“ во режија на Сузана Диневски и во проудкција на „Сузи Кју продукција“ утре и во петок ќе биде прикажан во меѓународната селекција на 40-то издание на филмскиот фестивалот Tous Courts во Екс-ан-Прованс, Франција.

Веќе 40 години фестивалот е во потрага по филмови што го прикажуваат богатството и различноста на меѓународната продукција на кратки филмови. Целта на фестивалот е да им даде простор на креативноста и слободата, да ја зачува културната разновидност, да дозволи краткиот филм да се врати во кината, да придонесе за појава на нови таленти и да и даде на публиката уметничко задоволство во повторно откривање на богатствата на кратките филмови. Преку своите бројни програми, фестивалот прикажува повеќе од 200 филмови, како современи нови дела, но и од етаблирани автори. Постојано барајќи нови хоризонти, овогодинешното издание ветува уште еден збогатен и решителен нов состав.

 

Краткометражниот игран филм „Шеќерни луѓе ”, кој е реализиран со поддршка на Агенцијата за филм и „Сузи Кју продукција“, досега има освоено шест награди на различни меѓународни фестивали за краткометражни филмови и е во селекција на уште 16 меѓународни филмски фестивали во САД, Канада, Франција, Германија, Албанија, Италија, Парагвај, Турција, Романија и Аргентина.

Главните улоги ги играат Сара Климоска и Филип Трајковиќ, сценариото е на Владимир Јанковски и Сузана Диневски, директори на фотографија се Димитар Попов и Дејан Димески, монтажата е на Гоце Кралевски, дизајнер на постерот е Коста Лазаревски, трејлерот е изработен од Горан Вуќиќ, тонски дизајнер е Дарко Спасовски и музиката компонирана за филмот е на Дуке Бојаџиев. 

Почнавме со спротивставени мислења околу Законот за работни односи, со кој недела се прогласува за неработен ден. Завршивме на Уставен суд.

повеќе

Да ги споменеме и другите големи глобални предизвици: големите опасности од еколошка катастрофа; зголемувањето на нееднаквоста во нашите општества; и напливот на нови технологии кои можат да го нарушат светот доколку истите не бидат соодветно користени и контролирани.

повеќе

Им благодарам на Русите како креатори, но посебно на бугарските послушни  извршители за пропагандата што ја водат против Македонија. Што направија?

повеќе