Краткиот филм „Налепница” на Георги Унковски во официјална селекција на Санденс

Краткиот филм „Налепница", сценарио и режија на Георги М. Унковски, во продукција на Синема Футура, а финансиран од Агенцијата за филм на Република Северна Македонија, e избран во официјалната селекција на Санденс 2020.

Филмот на Унковски е во редот на 74 кратки филмови кои влегоа во официјалната селекција од вкупно 10.397 пријавени филмови, меѓу кои 4.992 биле од САД, а 5.405 биле од други земји. „Налепница“ ќе има  три проекции на 24, 28 и 30 јануари 2020 во Парк Сити, и една на 25 во Солт Лејк Сити во Јута. 
Публиката кај нас во изминатиот период имаше можност да ја погледне црната комедија, во која главниот лик по неуспешниот обид да ја обнови својата сообраќајна дозвола, тргнува на пат и запаѓа во серија бирократски проблеми. 
Филмот се снимаше 6 дена на повеќе локации низ Скопје. Исто како и во првенецот на авторот, краткометражниот филм „Пепи и Муто“, главната улога и овој пат му припадна на Сашко Коцев, а покрај него настапуваат Мони Дамевски, Џевдет Јашари, Љупчо Тодоровски – Упа, Соња Стамболџиоска, Димитрија Доксевски, Калина Димитриовска, Анастасија Аневска и Матеј Настевки. 
Георги Унковски
Директор на фотографија е Наум Доксевски,  сценографијата е на Кирил Спасевски, за костимите се погрижи Розa Трајческа, додека за маската и шминката на главниот лик беа одговорни Снежана Ангеловска и Ирена Сенокозолиоска. 
Монтажата е на Мартин Иванов, а дизајнот на звук е на Сашко Потер Мицевски. Продуцент е Иван Унковски, извршни продуценти Марија Димитрова и Горан Ацевски.  
Георги М. Унковски е роден 1988 година, во Њујорк. Студирал фотографија на Институтот за технологија во Рочестер, САД, а магистрирал режија на ФАМУ во Прага, Република Чешка.  
Санденс филмскиот фестивал е организиран од Санденс Институтот и се одржува секоја година во јануари во Парк Сити и Солт Лејк Сити во Јута, САД и е најголемиот фестивал на независни филмови во Северна Америка, а негов патрон е Роберт Ретфорд. 
Минатата година три награди во категоријата документарни филмови подигна уште еден македонски филм –  „Медена земја“.  
 

Навивачите на Шкендија, „балистите“, уште еднаш ќе навиваат против земјата во која живеат. Овојпат нивната поддршка ќе ја има Косово, кое на 26 март во Скопје ќе излезе на исклучително важен дуел против Македонија.

повеќе

Не ми се верува дека кај нас некој си одбор дебатирал и одлучувал за ова ребрендирање. Повеќе ми личи на пост-празнична летаргија.

повеќе

Потребна е промена на Законот за влада и на Изборниот законик, со која ќе се воведе правилото избор на автентична техничка влада која би владеела за време на изборниот процес, од распуштањето на парламентот до формирањето нова влада односно за време на изборната кампања.

повеќе