„Исцелител“ не влезе во трката за Оскар

Македонскиот игран филм „Исцелител" не влезе понатаму во трката за оскарите. Од вкупно 87 кандидати доцна синоќа беше објавена потесната селекција од 9 филмови меѓу кои за жал не бевме ние. „Им честитаме на колегите кои влегоа во селекцијата и им стискаме палци да се најдат на конечната листа од 5 номинирани филмови", соопшти екипата на „Исцелител".

„Дадовме сѐ од себе и добивме одлични коментари од членовите на амерканската филмска академија и се надеваме филмот ќе успее да продре до пошироката публика во САД. Фала на Maкедонската филмска агенција и Еуролинк осигурување што ни овозможија да го дадеме нашиот максимум. Ќе имаме убави вести деновиве со кои ќе се обидеме да го намалиме разочарувањето“, соопшти екипата „Исцелител“.