ТЕАТАРСКА ПРЕМИЕРА

„Гига мега бајка“ ќе донесе многу нови поуки за децата и за возрасните

Во Театарот за деца и младинци - Скопје, на 16 ноември, со почеток во 19 часот, ќе се одржи премиерната изведба на претставата „Гига Мега Бајка“ во режија на Хана Миленковска по текст на Горјан Милошевски.

Претставата „Гига мега бајка“ е приказна која сака да ја поттикне имагинацијата кај децата и кај возрасните. Во неа се преплетуваат фрагменти од познати приказни, „Црвенкапа“ и „Заспаната убавица“, како и една измислена бајка. Деловите од познатите приказни се сосема преработен и повторно обмислени со суштински промени на ликовите и ситуациите, поточно преку смислување на нови ситуации. Со спојот на овие фрагменти, всушност, се добива една нова „Гига мега бајка“.

Истоимениот драмски текст и претстава се фокусираат на приказната за четири актери кои заедно раскажуваат бајка по нивен терк, со нови комични идеи за да ги забавуваат децата. Секако, ова раскажување не се случува само поради забавата туку и со цел да се пренесат повеќе пораки: постојано треба да ги менуваме, освежуваме познатите приказни, да ги правиме поинтересни, треба да ги соединиме со духот на модерното време, треба да оставиме многу простор за нашата фантазија, треба да ги слушаме импровизациите на децата и секој треба да биде свој во раскажувањето и да научи важни нешта за себе за да може да се промени и да биде подобар, известија од Театарот за деца и младинци.

Пораката е дека секој треба да биде свој во раскажувањето, дека во светот на приказните сами ги создаваме правилата, а и сами доаѓаме до сопствени поуки. Актерите Мартин Јорданоски, Симона Спировска, Мики Анчевски и Бојан Кирковски вложуваат многу напор, фантазија и идеи за посветено да ја пренесат идејата.

Креативен печат во претставата оставаат сценографот Владимир Лукаш, топлите костими на костимографката Елена Додевска во соработка со сценографот Кире Василев, точните движења на кореографот Валентино Апостоловски, како и современиот звук на композиторот Виктор Апостоловски.

Плукајќи врз музикантите, незнаејќи одработувате за други интереси поведени од разбирливата емотивна нетрпеливост која ја прават криминалците од двете страни.

повеќе

Каков и да биде резултатот од предвидениот референдум за името во септември или во октомври, тој не дава гаранција за обезбедување двотретинско мнозинство во Собранието за промена на Уставот.

повеќе

Тесла преку проектот Варденклиф покажал дека енергетските ресурси се неограничени.

повеќе