Милчо Манчевски во трка за најпрестижната награда

Филмот „Врба“ е македонскиот кандидат за „Оскар“

Филмот „Врба" на режисерот Милчо Манчевски ќе биде македонски кандидат за „Оскар" за најдобар долгометражен интернационален филм за 2021 година, соопшти Друштвото на филмските работници на Македонија (ДФРМ). Кандидатурата на „Врба" за наш национален претставник во трката за најпознатата филмска награда е прифатена и одобрена од Американската академија за подвижни слики, уметност и наука.

Одлуката ја донесе Комисијата за избор на македонски кандидат за наградата „Оскар" при ДФРМ, во состав: Игор Иванов – режисер и претседател на Комисијата, Дејан Лилиќ – актер, Тамара Котевска – режисер, Самир Љума – кинематографер, Мартин Иванов – монтажер, Иван Ѓоршев – мајстор на светло и Сања Арсовска – актерка.

Во конкуренција за кандидатурата биле и филмовите: „Ефектот на среќата" во режија на Борјан Зафировски, „Исчезнатиот" на Арбен Тачи, „Кеиф" на Блаже Дулев и „Незо" во режија на Мерита Чочоли.

ДФРМ соопшти дека кандидатурата на „Врба" за наш национален претставник во трката за најпознатата филмска награда е прифатена и одобрена од Американската академија за подвижни слики, уметност и наука.

Поради КОВИД-пандемијата, 93-тата церемонија за доделување на наградите „Оскар" ќе се одржи подоцна од вообичаено, односно на 25 април 2021 (недела) во Лос Анџелес.

Релевантните институции покажуваат неподготвеност да го спроведат долгоочекуваниот попис.

повеќе

Економската стратегија има за цел да се реализираат можностите на дигиталната трансформација, да се зајакне соработката во областа на климатските промени, енергетскиот сектор, човечкиот развој и безбедноста на храната.

повеќе

Во време кога турската лира е во историски пад, Турција мора да надмине бројни предизвици за целосно да закрепне од кризата.

повеќе