ФИЛМСКА НАГРАДА

„Ах, љубов моја“ ја доби наградата за најдобар игран филм на „ФерФилм Фестивал“

На петтото издание на Интернационалниот филмски фестивал „ФерФилм“ во Феризај (Урошевац), Косово, кој што се одржа од 02 до 06 септември 2017, наградата за Најдобар игран филм ја доби „Ах, љубов моја“ во режија на Коле Ангеловски и продукција на „Авард Филм и Видео“.

Режисерот Коле Ангеловски ја прими наградата на ФерФилм Фестивал

Покрај него уште два македонски филма добија награди. Имено за најдобар краток филм беше прогласен „Ќе дојдат децата“ на Ана Јакимска, а наградата за најдобар анимиран филм ја доби „Кружно патување на Марето“ на Жарко Ивановски.

Инаку, по премиерата на Скопскиот филмски фестивал, филмската комедија „Ах, љубов моја“ беше прикажан и на „Балкан Филм анд Фуд Фестивал“, во Поградец, Албанија, како и на Фестивалот на медитерански и европски филм во Требиње, Босна и Херцеговина.

Во наредниот период филмот ќе биде прикажан и на Македонскиот филмски фестивал во Канада и Македонскиот филмски фестивал во Австралија, известија продуцентите на филмот.

„Бејоеремите" веќе многу долги години имале и имаат јазик којшто (Слушни! Слушни добро!) сите, освен нас, го нарекуваат „македонски".

повеќе

Добронамерниот дијалог – поточно способноста да се види светот преку очите на други луѓе, посебно оние со кои не се согласуваме – никогаш не бил поважен од сега.

повеќе

Владата не би смеела самостојно да одлучува за ставање под концесија на минералните суровини како што предвидува постојниот закон.

повеќе