Промовирана монографија за јубилејот на „Бранко Чајка“, здружението на Срби и Македонци

Здружението на Срби и Македонци „Бранко Чајка" од Тетово" вчера вечер ги заокружи своите активности поврзани со одбележувањето на триесетгодишниот јубилеј со промоција на монографија за своите активности во изминатите три децении. Присутните на промоцијата имаа можност преку видео приказ визуелно да проследат дел од активностите кои се спровеле во 30-те години постоење кои се евидентирани во монографијата. За публикацијата пригодно обраќање одржа Милутин Станчиќ, од Српскиот информативно-културен центар во Скопје.

„Ова здружение покажува како може да му се пркоси на едно време и со својата истрајност и масовност го покажа капацитетот за да достигнува резултати. Монографијата е на 50-тина страници, со фотографии и текст, имаме голем број имиња на луѓе чии потписи се на многу договори и така прецизно е показател на времето позади нас. За мене голем исчекор за Здружението е што пред десет години започна манифестацијата 'Пишуваме и твориме на српски јазик' која можам да кажам дека ги надминува и капацитетите на редовната настава“, истакна во обраќањето Милутин Станчиќ.

Здружението е формирано во 1992 година со цел развој на активности од областа на духовниот и културниот живот, обичаите и меѓусебните односи помеѓу македонскиот и српскиот народ.

„Монографијата е замислена како пишан споменик за сите членови кои со голем ентузијазам го градеа и ги испишуваа страниците на 30 – годишната историја на Здружението. Со нивната несебична работа, труд и залагање тоа остави своевиден препознатлив белег во културниот живот на градот и пошироко“, истакна на промоцијата авторката на монографијата и актуелен претстедател на Здружението, Соња Андонов.

Во состав на Здружението успешно работи и културно-уметничкото друштво „Бранко Чајка". На својот репертоар друштвото подеднакво го негува и српскиот и македонскиот фоклор настапувајќи на бројни концерти во градот, регионот, Северна Македонија, Србија и пошироко од каде добива значајни награди и признанија.

На промоцијата Здружението додели и благодарници на поединци и колективи за соработката.

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе