При Природноматематичкиот факултет

Професорот Коста Пеев му донираше скапоцени етнолошки и лингвистички материјали на Институтот за етнологија и антропологија

Денес на Природно-математичкиот факултет при Универзитетот „Св. Кирил и Методиј“ деканот, проф. д-р Ицко Ѓоргоски и д-р Коста Пеев, професор на Филолошкиот факултет во пензија, потпишаа договор за донација. 

Со него проф. Пеев на Институтот за етнологија и антропологија при Природноматематичкиот факултет му отстапува книги, фотографии, ракописи и аудио материјали, собирани во последните педесетина години, кои содржат скапоцени етнолошки и лингвистички информации. 

Тие ќе бидат чувани во посебна збирка „Проф. д-р Коста Пеев“ во склоп на библиотеката и архивот на Институтот за етнологија и антропологија, кој ја поседува и најголемата дигитална архива од оваа област во земјата. Истовремено, Институтот е овластен субјект за заштита и чување на нематеријалното културно наследство, а јазикот и дијалектите се токму дел од него.

Проф. Коста Пеев (1936) е еден од најстарите живи слависти и македонисти, студент на Блаже Конески и експерт за дијалектите на Егејска Македонија. Негови обемни студии се „Речник на македонските дијалекти од југоисточниот дел на Егејска Македонија“ (во шест тома), „Кукушкиот говор“, „Дојранскиот дијалект“ и друго.

За своите заложби професорот Пеев неодамна од претседателот на државата, Ѓорге Иванов, го доби и највисокото признание, орден за заслуги, од областа на македонистиката.

Напредокот и оптимизмот што ги обележаа децениите по 2. Светска војна се гледаа во создавањето на средната класа, составена од луѓе што, иако родени во куќи со земјени подови, завршија со факултетски дипломи и добри работни места во големите градови. Поседуваа автомобили и викендички, летуваа на море и патуваа во странство без визи.

повеќе

Најголемиот предизвик на секоја земја е развојот и одржувањето на здрава популација.

повеќе

Албанија и Северна Македонија уште ќе чекаат, една година откако блокот рече дека имаат шанси за разговори за членство, вели Политико.

повеќе