Алаѓозовски во Шутка

Примерните затвореници ќе посетуваат културно-уметнички настани за подобра ресоцијализација

Министерот за култура Роберт Алаѓозовски и директорот на КПУ Затвор Скопје, Ѓоко Котевски потпишаа Меморандумот за соработка, во кој меѓу другото се предвидени  културно-уметнички содржини за осудениците во Шутка, вклучувајќи посети на културно уметнички настани за најпримерните осуденици, збогатување на библиотеките, организирање работилници и културно уметнички настани за самата установа од осудениците и со гости уметници.

„Со овие активности не само што ќе овозможиме подобра ресоцијализација и подобра атмосфера во оваа установа, туку со подобрувањето на условите придонесувме и кон исполнување на меѓународните стандарди во местата каде што престојуваат лица лишени  од слобода“, рече Алаѓозовски. 

Според него, Министерството е расположено да им помогне на казнено-поправните установи во оваа насока и доколку оваа пилот програма се покаже како успешна да се примени и во другите казнено поправни установи во Македонија. 

Директорот на затворот кажа дека Меморандумот опфаќа и активно вклучување на осудените лица во проекти за изучување на одредени вештини, како што се копаничарството, вајарството, сликарството, за кои, како што рече, ќе бидат обучени осудените лица за периодот по излегување од затворите. 

„Затворот Скопје работи активно на повеќе програми и повеќе проекти. Во соработка сме со Министерството за труд и социјална политика и Министерството за образование, потпомогнати од УНДП за рестартирање на нашата столарска и браварска работилница, за перофесионална доградба и ангажман на нашите осудени лица“, изјави Котевски.

Новата мерка ќе почне со реализирање на посета на културно уметнички манифестации, а подоцна со здруженија на граѓани и институции кои ќе понудат помош ќе се почне и со најавените работилници во кои ќе учествуваат затворениците.

 

Операциите направени кај повеќето интерсексуални новороденчиња е од козметички причини.

повеќе

Внимателноста во водењето на преговорите за името и изјавите околу нив сега е повеќе од нужна.

повеќе

Во најсеверните делови на грчките региони Западна и Централна Македонија, сите народни ора се инструментални песни. Традиционалните песни во овие региони некогаш имаа зборови - но тие беа на јазик што грчката држава речиси еден век се обидува да го избрише: македонскиот словенски, вели Петрос Карацареас, лектор по англиски јазик и лингвистика на Универзитетот на Вестминстер, Велика Британија.

повеќе