МАЈСКИ ОПЕРСКИ ВЕЧЕРИ

Рецитал со две врвни музички изведувачки ќе се случи во МОБ

На програмата на јубилејните 45-ти „Мајски оперски вечери“, во четврток (18 мај) во Македонската опера и балет, со почеток во 20 часот, е рециталот на сопранот Весна Ѓиновска – Илкова и пијанистката Кристина Светиева. Режисер е Дејан Прошев, а на програмата се дела од Чајковски, Рахмањинов, Форе, Пуланк, Лист, Штраус, Чилеа, Верди. Гостин на концертот е виолинистот Горан Муратовски.

Весна Ѓиновска Илкова е водечки оперски драмски сопран во Македонија, певица со софистицирано пијано, беспрекорна вокална техника, огромна музикалност, харизма и силно сценско присуство. Нејзиното деби на сцената на Македонската опера и балет во 1996 година во улогата на Михаела во „Кармен“ добива одлични оцени, а критичарите ја истакнуваат нејзината извонредна легато техника.

Илкова своето деби на меѓународната сцена го остварува во 2001 година во Националната опера на Софија во комплексната улога на Елизабета во „Дон Карло“ од Верди. По успешниот настап на бугарската сцена, Илкова ја толкува улогата на Тоска во истоимената опера на Пучини. Весна Ѓиновска Илкова ужива богата домашна и меѓународна кариера, а досега настапувала во Данска, Хрватска, Словенија, Бугарија во постановките на „Аида“, „Отело“, „Турандот“, „Мадам Батерфлај“, „Симон Боканегра“, „Атила“, „Моќта на судбината“, „Бал под маски“, „Лидија од Македонија“...

Македонската критика ја нарекува „мајстор на патосот и драмата“ и ја поцртува сензибилноста и емоционалноста која Илкова им ја дава на улогите што ги толкува. Освен на оперската, Илкова е редовно присутна и на концертната сцена, и е добитничка на голем број значајни награди и признанија.

Кристина Светиева се вбројува меѓу најталентираните млади македонски пијанисти. Победничка на бројни домашни и меѓународни натпревари, таа настапува на концертните и фестивалските подиуми во Турција, Бугарија, Холандија, Кипар, Хрватска, Шведска, Италија, Франција, Чешка, САД.

Повеќепати настапила како солист со Македонската филхармонија, а на последниот концерт со нашиот симфониски оркестар премиерно го изведе делото „Концертни етиди“ од композиторот Борис Светиев.

Првиот концертен настап Кристина го реализира на шестгодишна возраст, дипломира cum laude (класа на Тодор Светиев) и магистрира cum laude на ФМУ во Скопје, под менторство на Жени Захариева, а во 2014 година се стекнува и со титулата Доктор по музичка уметност, под менторство на Жени Захариева.

Во Мексико, Индија и Турција, жените завршуваат трипати повеќе обврски поврзани со грижа од мажите.

повеќе

Сега свесно или несвесно се оди во друг правец, сведувајќи ја  партијата  на ниво на  дебатен клуб.

повеќе

Најчести места каде што може да се препознае (и шири) говорот на омраза на интернет се всушност онлајн медиумите кои дозволуваат простор за коментирање.

повеќе