Праизведбата на операта „Помеѓу соништа и летови“ ќе се случи на 41-вите Денови на македонска музика

На малата сцена на Македонската опера и балет, на 30 март, со почеток во 20 часот, ќе се одржи праизведба на операта „Помеѓу соништа и летови“, поставена на музика и либрето од Горан Начевски, диригент ќе биде Иван Еминовиќ, а режисер - Љупка Јовановска.

Според либретото на операта секој од нас треба да ја пронајде својата верзија од приказната. Приказна за моментот кога не сме сигурни што е сон, а што вистина, или за тоа, кој е реалниот, а кој замислениот свет. Приказна без почеток, но со среќен крај, како спротивност од трагичните завршетоци на најголемиот број дела од оперската литература.

И уште една спротивност, парадокс во изборот на видот на глас кај улогата на Таткото. Родителите секогаш, во оперите се средни или длабоки гласови: алти, мецосопрани, баси или баритони, и затоа, во ова дело, таткото е тенор, кој во еден момент вели дека понекогаш е невозможно да се воспостави граница помеѓу сонот и вистината, минатото и иднината („чекориме ли напред, или се враќаме назад“ - Патникот бара од Ѕвездата да му го осветли и покаже патот на времето...).

Поднаслов на делото е „сценска лирска фантазија“, а целта е секој од публиката да донесе свое толкување и заклучок од случувањата во приказната.

Составот е камерен оркестар, камерен хор и солисти: сопран (Ѕвездата), тенор (Таткото) и баритон (Патникот). Режијата вклучува и двајца балетски играчи.

Улогите во операта ги носат Александра Лазаревска Василевски (Ѕвездата), Дејан Стоев (Таткото), Невен Силјановски (Патникот) и Илин Силјановски (Дете). Во операта учествуваат Хорот и Оркестарот на Македонската опера и балет.

Сценограф е Зоран Николовски, костимограф - Бранкица Јордановска, кореограф - Маја Каревски, светло дизајн - Нино Митевски, а хор-мајстор е Јасмина Ѓорѓеска.

Влезот на претставата е слободен.

Античкиот грчки филозоф Хераклитус, кој живеел пред Сократ, Платон и Аристотел, е авторот на често користената поговорка „панта реи“ (Panta rei), односно, во превод, поедноставено: ,„сѐ тече, сѐ се менува, ништо не останува исто, нема апсолутна вистина и единствена реалност е повеќегодишно движење“.

повеќе

Интеграциите и буџетски субвенционираната економија и социјала се проектираните теми на кампањата на власта за претстојните избори.

повеќе

Третманот и плаќањето на работникот од кого зависи целиот производствен систем, треба да биде на прво место кај државата и работодавачот. 

повеќе