Почина Тони Баталаков, солист, педагог и поранешен директор на Балетот

Антон Баталаков – Тони, истакнат танчар, повеќегодишен репетитор, директор, педагог, почина на 76 години, соопшти Националната опера и балет (НОБ).

Баталаков во Македонскиот народен театар (МНТ) бил од 1964 до 1992 година, каде што работел како солист, долгогодишен репетитор, бил и директор на Балетот од 1979 до 1989,  педагог во училиштето, каде што предавал класичен балет и дуетен танц.

Средното балетско образование Баталаков го оформува во Скопје во класата на Александар Доброхотов. Уште како ученик настапувал во некои претстави на Балетот на МНТ. Од 1964 е во редовите на ансамблот, каде што танцува во сите репертоарни изведби. Постепено станува солист, а прва главна ролја му е Кнезот во балетот „Тамара“ (1965).

„Танцувајќи кореографии со различни стилски определби, создава и остава обемен репертоар. Неговите изведби се класични, стилизирана класика, модерни кореографии, карактерни стилизации, до драмски изведби. Најзабележителни креации постигнува во карактерно-драмскиот фах, но и модерните стилизации не заостануваат“, велат од НОБ.

Во класичен стил ги изведе следните ролји: Пријатели на Франц во „Копелија“ (1963), „Балада за Скопје“ (1967), Парис и Ромео во „Ромео и Јулија“ (1969), Алберт во „Жизел“ (1973 и 1987), Валс на пролетта во „Штраусијада“ (1976).

„И ако некои улоги на Баталаков беа успешни и комплетни, тоа беа ликовите од драмскиот фах со кои овој истакнат уметник постигна ретко видени уметнички творби. Интелигенцијата, музикалноста и талентот за драмски остварувања му овозможија да ги оформи ликовите на: Капетанот Кука во ‘Петар Пан’ (1970), Гиреј во ‘Бахчисарајска фонтана’ (1981), Хиларион во ‘Жизел’ (1984), Дон Кихот во ‘Дон Кихот’ (1985), Ротбарт во ‘Лебедово езеро’ (1986) во кој беше чудесно свој и уметнички импресивен. Работејќи на повеќе определби во балетското опстојување кај нас и тоа како танчар, повеќегодишен репетитор, директор, педагог во училиште, секогаш вложувајќи се максимално, Тони Баталаков го дава својот придонес, со што добива значајно место во развојот на балетската уметност во Македонија“, велат од неговата матична куќа.

Продолжува активноста на копачите, крановите и мешалките за цемент додека самите Албанци се протерувани од градот. 

повеќе

После речиси две години очигледно е дека менталното здравје на вработените е исто важно како и нивното физичко здравје. Сега повеќе од било кога, неопходен е силно развиен систем за управување со човечки ресурси.

повеќе

Јазикот е многу повеќе од структура на една реченица или граматика, јазикот е нашата историја, нашите обичаи и нашето наследство...

повеќе