Ин мемориам

Почина примабалерината во пензија Јагода Сланева

Денеска во Скопје, на 68-годишна возраст, почина примабалерината во пензија и кореографка Јагода Сланева, соопшти Македонската опера и балет.

Јагода Сланева со наградата „Менада“

Јагода Сланева е дел од првата генерација ученици на Балетот при Македонскиот народен театар. Го завршува Средното балетско училиште во Скопје во класата на Јуриј Мјачин, професор-гостин од Санкт Петербург. Кариерата ја започна во 1968 со изведба на „Па де де“ од балетот „Оревокршачка“ на музика на П. И. Чајковски, а ја завршува во 1992 со улогата на Марија во балетот „Бахчисарајска фонтана“.

Во својата извонредно богата кариера, Јагода Сланева играше главни улоги во најзначајните балети од железниот репертоар на класичната балетска уметност, како Жизел во балетот „Жизел“, Китри во „Дон Кихот“, Јулија во „Ромео и Јулија“, Кармен во „Кармен“, насловните улоги во балетите: „Легенда за љубовта“, „Ѓаволеста девојка“, „Мирандолина“, „Лабин и Дојрана“, „Песна над Песните“, како и други модерни балети.

Како примабалерина на Македонскиот балет таа гостува на различни сцени во Франција, Германија, Полска, Романија, Канада, Словенија, Србија, Хрватска и други земји. Работеше и како педагог-репетитор во МНТ во 2006, а како кореографка соработува на повеќе театарски претстави во повеќе театарски куќи во Македонија, како и на повеќе проекти во независна продукција. Освен тоа, Сланева има богата ТВ-продукција во Македонската телевизија.

Во април годинава, примабалерината Сланева ја доби наградата „Менада“ за врвни достигнувања во балетската уметност од скопскиот фестивал „Танц Фест 2017“.

Комеморацијата по повод смртта на Јагода Сланева ќе се одржи на 19 октомври во МОБ, во 11 часот. Посмртните останки ќе бидат изложени во капелата на Градските гробишта Бутел, од 13.30-14.30 часот, а погребот ќе се изврши во 14.30 часот.

Улогите на „добар и лош полицаец“ ќе ги играат кон нас уште долго, доколку не сфатиме дека со итроманска политика не се може подалеку од Табановце до Богородица.

повеќе

Неделава, владите на ЕУ повторно решија да го одложат започнувањето на преговорите за пристапување со земјите кандидати Албанија и Северна Македонија, што претставува историска грешка - бидејќи безбедноста и стабилноста на Унијата зависат од трансформацијата на југоистокот.

повеќе

Минатата недела, Сирија повторно беше на врвот на меѓународните вести. Земјата, која долги години е вклучена во борбата против екстремистичките групи, повторно се соочи со нов бран на агресија и воена акција. Во средата, на 9 октомври, турската армија, заедно со сириските антивладини бунтовници, го започна маршот кон североисточните делови на оваа земја што предизвика жестоки борби.

повеќе