МОБ

Новата 2017 година ќе почне со „Руска бајка“

Македонската опера и балет го најави Новогодишниот концерт со наслов „Руска бајка“, кој ќе се одржи во реновираниот Салон на МОБ на 1 јануари (недела) 2017 година.

Ансамблите на МОБ интензивно се подготвуваат за овој убав настан, пристигната е гостинката од Украина, Калинкина, и според нејзините изјави, таа е презадоволна од подготовките и од програмата за концертот.

На програмата на концертот ќе бидат застапени дела од познатите руски композитори: Прокофјев, Чајковски, Шостакович, Рахмањинов, Фомин, Герман, Пендерецки, Ларионов и Римски-Корсаков. Ќе ги изведат оперските солисти: Тамара Калинкина - сопран (Украина), Борис Трајанов - баритон и Дарко Нешовски - тенор, како и балетските солисти: Мими Поп Алексова Атанасовска, Марија Кичевска Шокаровска, Ивана Коцевска, Бобан Кoвачевски, Дојчин Дочев (Бугарија), Игор Веланоски, Дафина Данилоска-Кочевска, Маја Митровска-Богојевска, Марина Анастасовска и Билјана Басмаџиева.

На концертот учествуваат и балетскиот ансамбл и оркестарот на Македонската опера и балет. Режисер е Трајко Јордановски, кореограф - Саша Евтимова, а диригент на концертот ќе биде Иван Еминовиќ.

МОБ ја потсетува публиката дека има уште малку билети за продажба за првиот културен настан во Македонија во Новата 2017 година.

Историјата не е политички договор за добрососедство, туку сеопфатна студија за минатото, од која треба да се влечат поуки за сегашноста и патокази кон иднината.

повеќе

Владата и Министерстовто за култура треба да се дистанцираат од овој т.н. марш и да прекинат да го поддржуваат.

повеќе

Приказната ја почна новиот премиер со изјавата дека сме с'штиот народ, а ја продолжи екс-премиерот Георгиевски со својот пост на својот фејсбук профил.

повеќе