Михаил Баришников: На Путин воопшто не му е гајле за луѓето

Светски познатиот балетан Михаил Баришников се најде на светските насловни страници кога пребегна од Советскиот Сојуз во 1974 година. Оттогаш тој главно не се мешаше во политиката. Сега Баришников во интервју за Си-би-ес вели дека повеќе не може да молчи за руската инвазија на Украина. Интервјуто ќе се емитува на 19 јуни на Си-би-ес и на Парамаунт+.

Фото: скриншот

„Овој пат не можев да молчам“, рече Баришников. „Роден сум во советско – во тоа време Советска Латвија – во семејство на воен офицер“.

Неодамна, Баришников ја кооснова „Вистинска Русија“, добротворна организација за собирање пари за украинските бегалци. Кога Русија ја забрани нејзината веб-страница, Баришников напиша отворено писмо до претседателот Владимир Путин. Тој напиша дека Путиновиот руски свет – светот на стравот – ќе „умре од сопствениот ужас доколку не се разбуди“.

Следува извадок од интервјуто со Баришников.

Новинарот: Што мислевте кога Путин рече дека Русите што го поддржуваат Западот се „ѓубриња и предавници“?

Баришников: Знаете, тоа е одвратно.

Новинарот: Дали мислите дека ова е војна на Русија? Или војна на Путин?

Баришников: Тоа е војна на Путин... Тој се обидува да создаде нова историја на Русија... Нему воопшто не му е гајле за луѓето... иако, како е можно тоа, тој самиот има деца, знаете? Како е можно?

Новинарот: Русите што зборуваат против него обично потоа исчезнуваат.

Баришников: Видете, јас ќе наполнам 75 години. Што имам да изгубам?

Баришников разговара и за новата продукција на „Овоштарник“ – неговото дело во њујоршкиот центар што го носи неговото име - и за многу други работи.

Легенда под Главна слика

Фото: скриншот

Концептот е насочен кон креирање на оптимален даночен систем, кој ќе го поддржи економскиот раст, а со тоа и животниот стандард на нашите граѓани.

 

повеќе

Иако е важно да бараме решенија за нашата заедничка историја и да се обидеме да ги разликуваме фактите од пропагандата, зарем не е исто така важно да научиме да живееме заедно и покрај нашите различни и силно политизирани гледишта?

повеќе

Нашето општество е социјално неправедно, а социјалната неправда е, и ќе биде погубна.

повеќе