Балетска педагогија

Искра Шукарова ќе гостува во театарска академија во Амстердам

Искра Шукарова е поканета од страна на театарската академија SNDO – School for New Dance Development како дел од Academy for Theatre and Art да присуствува на претставите на младите автори, како дел од програмата на академијата. Претставите ќе се одржат на 23 и 24 ноември. Современите танцови дела кои ќе бидат презентирани ќе ги прикажат новите креативни тенденции на младите автори.

Шукарова во Амстердам е поканета од страна на уметничкиот директор на програмата Бојана Младеновиќ, која последните 4 години го води одделот за кореографија во SNDO – School for New Dance Development, за додипломски студии во кореографија при Универзитетот за уметности во Амстердам.

Шукарова ќе реализира и контакти со одделот за танцова педагогија со што ќе се отворат нови можности за понатамошна соработка со катедрата за балетска педагогија – современ танц при ФМУ, каде Шукарова е професор седум години од основањето на оваа катедра.

Гостувањето на Шукарова во Холандија е поддржано од страна на Министерството за култура на Р. Македонија.

Фотографија: Ана Лазаревска

„Новото нормално“ неизбежно со себе ќе носи неизвесност и страв бидејќи заканата од вирусот наѕира во позадина и не може да се искорени.

повеќе

„Шарената револуција“ беше енергија и граѓански порив за промени. Малку застранивме.

повеќе