Опера и балет

Македонската опера и балет и Националната опера и балет од Тирана денеска потпишаа меморандум за соработка, со кој е договорена меѓусебна поддршка, заедничка продукција и размена на искуства.

На малата сцена на Македонската опера и балет, на 30 март, со почеток во 20 часот, ќе се одржи праизведба на операта „Помеѓу соништа и летови“, поставена на музика и либрето од Горан Начевски, диригент ќе биде Иван Еминовиќ, а режисер - Љупка Јовановска.

Кореографката и професор при ФМУ – Искра Шукарова е поканета како член на жири на Републичкото натпреварување на учениците од музичките и балетски училишта во Србија, кое се одржува од 17 до 28 март 2018 година во Нови Сад.

Срдечна и пријателска средба со новинарите оствари новиот в.д. директор на Македонската опера и балет, Ќазим Асотиќ. Целта на неформалната средба беше подобро меѓусебно запознавање и најава на акценти од годишната програма за работа на МОБ. Асотиќ рече дека за секој настан поединечно МОБ ќе информира благовремено и со повеќе детали.

На педесет и првата годишнина од премиерата на култното дело „Драгоцени камења“ (кое вклучува три сепаратни делови „Рубини“, „Брилијанти“ и „Смарагди“) на американскиот кореограф Џорџ Баланшин, балетот Сан Антонио имаше премиера на „Рубините“ на 16.02.2018, забележано е во освртот на проф. Соња Здравкова – Џепароска.

Танц Фест Скопје ја прогласи 2018 година за Година на танцот и сезоната ја почнува со гостувањето на извонредната претстава „Фен Мо“ од Пекинг, Кина, во изведба на танцовата компанија на Пекиншката академија за танц. Претставата ќе има две изведби, на 22 јануари, во 20 часот, на сцената на Театарот „Јордан Х.К-Џинот“ во Велес, и на 24 јануари, во 20 часот, на сцената на Македонскиот народен театар во Скопје.

Македонската јавност ќе има ретка можност да го види балетскиот спектакл, претставата „Оревокршачка“ на мраз, во изведба на Државниот балет на мраз од Санкт Петербург, Русија. Поради огромниот интерес за претставата, која ќе се одржи во МОБ на 04 декември 2017 година, со почеток во 20 часот, организаторите, „Прагма Продукција“, договорија две изведби на „Оревокршачка“.