Вечерва завршува „ОФФест“, концерти на Бранислав Николов од Фолтин и Блик Баси

Третата и последна вечер на „ОФФест“ ќе ja одбележат концертните настапи на Пијан Славеј (попознат како Бранислав Николов од Фолтин) и на камерунскиот гитарист, вокалист, композитор и протестен поет Блик Баси. Тие вечерва на сцената на Националната опера и балет, каде се одвива целокупната концертна програма на годинашниот ОФФест, ќе ги претстават своите актуелни проекти.

Концертот на Пијан Славеј на „ОФФест“ е прво претставување во живо на неговата нова музичка авантура во која учествуваат и Пеце Трајковски (хармоника), Андреа Мирческа (контрабас), Мартин Џорлев (клавијатури) и Мартина Баракоска (тапани).

Пијан Славеј е музички уметник, изведувач, автор, поет, пејач и фронтмен на групата Фолтин. Како еден од основачите и клучни членови во бендот, зад себе има девет студиски изданија, како и музика за над триесет театарски претстави и неколку документарни и играни филмови, меѓу кои, кандидатот за Оскар „Медена Земја“, интернационално наградуваните „Исцелител“, „Avec L’Amour (Со љубов)“, „Cash & Marry“ и други. Надвор од работата во групата, одржал концерт со Македонската филхармонија и објавил две збирки поезија.

Блик Баси е камерунски гитарист и вокалист кој живее во Париз. Ги вкрстува африканските традиции, бразилската боса-нова и Мисисипи блузот со полетни мелодии и сугестивниот, кршливо нежен вокал. Пее на јазикот Баса, еден од 260-те јазици што се зборуваат во Камерун. Песните на Баси се возбудливи, емотивно и политички набиени и поткрепени со впечатлива инструментација на виолончело, труба и тромбон. 

Освен тоа што муралите се моќно средство за комуникација, тие можат да бидат и предмет на манипулации, па и пропаганда, подигање тензии и продлабочување на недоразбирањата во БиХ.

повеќе

Процесот на донесување на буџетот ме потсетува на една изрека на поранешниот државен секретар на трезорот на САД, Џејкоб Лу (Jacob Lew) кој вели дека „Буџетот не е само колекција на бројки, туку израз на нашите вредности и аспирации“.

повеќе

Конески со голема дарба и со рационална мисла, создаде комуникативна поезија, создаде за македонските генерации образец на читлива литература.

повеќе