Право на учество за сите музичари од поранешна Југославија

Пријави ја својата песна за наградата „Милан Младеновиќ“

Распишан е конкурсот за доделувањето на наградата „Милан Младеновиќ" - 2022. Конкурсот трае од 1 до 31 мај, а право на учество имаат музичари и бендови од цела поранешна Југославија чија песна е на еден од јазиците во поранешната заедничка држава. Милан Младеновиќ (1958-1994) е легендарен рок - музичар чиј живот заврши прерано. Тој беше југословенски гитарист, пејач, текстописец и композитор чии песни остануваат во историјата на југословенскиот рок преку бендовите Лимуново дрво, Шарло Акробата, Катарина II, Eкатарина Велика и Angel's Breath. Младеновиќ е роден во Загреб, детството го мина во Сараево и во Белград каде е врзано неговото музичко созревање.

Конкурсот претставува одлична можност за македонските музичари за регионална промоција и презентација.

Право да се натпреваруваат за наградата имаат автори и изведувачи од сите земји на поранешна Југославија, со песна со текст на еден од јазиците што се зборуваат на територијата на поранешните југословенски републики, вклучувајќи ги и јазиците на малцинствата:

„Еден уметник, автор или група автори може да пријават само една песна на конкурсот за Наградата. Песните што се натпреваруваат за наградата треба да бидат објавени помеѓу 1 јули 2021 година. и 31 мај.2022 година. Апликациите може да ги поднесат авторите, изведувачите или издавачите преку формуларот достапен на веб-страницата на Фондацијата – www.milanmladenovic.com.- Конкурсот завршува на 31.05.2022 година. на полноќ, велат од Кроација рекордс.

Наградата „Милан Младеновиќ" е основана со цел да се поттикне музичката креативност која се карактеризира со вредностите својствени на уметничкото наследство на Милан, а се доделува за најдобра песна од поранешна Југославија на церемонијата на 21 септември - денот на раѓањето на Милан.

За победничката песна годинава ќе одлучува регионалното жири во состав Миле Кекин (Хрватска), Соња Лончар (Србија), Матјаж Манчек (Словенија), Едо Плованиќ (Хрватска) и Драгиша Ускоковиќ Чима (Србија). Стручното жири најпрво ќе избере 12 финалисти кои ќе бидат објавени на промотивната компилација што ќе ја изработи фондацијата Милан Младеновиќ, а победниците на овогодинешната награда ќе бидат наградени и парично. Наградата е 3.000 евра.

Освен формуларот за пријавување на сајтот www.milanmladenovic.com, таму се наоѓа и комплетната документација што се однесува до условите на конкурсот, како и правилата за доделувањето на наградата.

Со францускиот предлог на патот кон ЕУ македонскиот народ ќе ја изгуби историската тапија врз сопствената свест и наследство.

повеќе

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе