Претстојниот концерт на Филхармонијата насловен е „Бесмртност“, а посветен е на Бетовен

„Бесмртност" е насловен симфонискиот концерт на Македонската филхармонија в четврток од 20 часот, кој ќе биде посветен на творештвото на Лудвиг ван Бетовен. Диригент на концертот е Сашо Татарчевски.

На програмата се Бетовеновите: Увертира за именден оп. 115, Хорска фантазија за пијано, хор и оркестар оп. 80, каде што солист ќе биде пијанистка Нина Костова-Јаневска, како и Симфонијата бр. 2 во Д-дур.

Ќе учествуваат и хорот „Драган Шуплевски“ од Факултет за музичка уметност, професионален хор „Про арс“ и солистите: Јаворка Витанова и Мартина Нанеска – сопрани, Бојана Јованова – алт, Јане Дунимаглоски и Шинаси Рамадан – тенори и Мартин Блажевски – бас.

Германскиот композитор Лудвиг ван Бетовен (1770–1827) или „музичкиот Прометеј“, како што го нарекува Филхармонијата, зад себе оставил девет симфонии, од кои пет се вбројуваат меѓу 12 најдобри во историјата, пет ненадминливи клавирски концерти, Концерт за виолина и оркестар, 16 гудачки квартети, 32 сонати за пијано (форма што ќе ја доведе до совршенство), две миси, десет увертири, десет сонати за виолина и пијано, пет сонати за виолончело и пијано, една опера…

„Ги направил најхрабрите чекори во музиката, особено во сонатно-симфониската форма и се смета за првиот европски романтичар. Биографите запишале: Бах го усовршил постојното. Моцарт е најсјајниот момент во историјата на музиката. А, Бетовен е моќта“, соопшти Филхармонијата.

Неопходно е да се допрецизира законот со што би се овозможило одреден дел од финансиски средства да се пренасочат кон делот на општествена одговорност на приредувачите на игри на среќа со цел подобрување на спортската инфраструктура.

повеќе

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе