Oд денеска до 7 јуни „Танц фест Скопје 2021“ под мотото „Украдени движења“

Под мотото „Украдени движења“ од денеска до 7 јуни ќе се одржи реномираниот фестивал за современ танц „Танц фест Скопје 2021“. +OdПо 17. пат, ќе се танцува на повеќе сцени во Скопје, а првпат една од претставите ќе биде одиграна и во Домот на културата во Тетово, соопштија организаторите.

Во рамки на фестивалот ќе гостуваат извонредниот танчар Жигон Крајнчан од Љубљана со претставата „Fusion With Myself“, Загрепскиот танцов ансамбл со кореографијата на шпанскиот кореограф Розе Лопез Еспиноза, насловена  „Ревел Ревел“, а публиката во Скопје и Тетово ќе има можност да ја види и изведбата на францускиот танчар и кореограф Амала Дианор „Ман Рек“.

На фестивалот ќе се претстават и младите короеграфи Адријана Данчевска со „Не ми ги допирај очите“, Филип Петковски со танцовиот филм „Витро, Валентино Апостоловски, кој во соработка со режисерот Благој Мицевски ќе го изведе делото „Најлон“, и Дејан Битровски со „Ѓаволска дупка“.

Во рамки на фестивалот своја програма ќе имаат и студентите по современ танц од Универзитетот „Гоце Делчев“, а втората генерација студенти од Катедрата за современ танц при Филмската академија ќе ја изведат нивната дипломска кореографија.

Скопје танцовиот театар ќе го одбележи својот 10-годишен јубилеј со кореографијата „Меѓусвет“ на Рисима Рисимкин, на музика на Тони Китановски и сценографија на Матеа Мијановиќ, која е инспирирана од песната „Убавите жени“ на Блаже Конески. Со оваа претстава, Скопје танцовиот театар дава свој придонес во славењето на великанот на македонскиот јазик, Блаже Конески, и одбележување100 години од неговото раѓање.

Традиционално, на фестивалот ќе се доделат и наградите „Менада“ – за врвно остварување и животно дело во областа на танцот и за млад уметник, а ќе има и омаж во сеќавање на творештвото на истакнатиот балетски уметник Тони Баталаков.

 

За младата генерација, во рамки на фестивалот ќе се одржи „Отворена програма“ со настапи на танцови студија од Битола, Скопје, Струмица, Велес и Куманово, како и повеќе работилници за современ танц со странските гости.

Влезот за сите претстави е слободен, со ограничен број на места, во согласност со протоколите за заштита од Ковид-19.

Програмата е поддржана од Министерството за култура, амбасадите на Холандија и Франција, Францускиот институт Скопје, Театроскоп Белград и Град Скопје. 

Како и главниот лик во романот, Доне Совичанов, и Ташко Георгиевски никогаш не потклекна и не побара пусулче од Канцеларијата на нашиот јужен сосед во Скопје за да ја премине границата и да го посети своето родно село во Егејска Македонија.

повеќе

Министерството за финансии во изминатиот период активно работеше на реформа за унапредување на фискалната децентрализација, која нуди сериозно системско решение за стабилни финансии на општините кои ќе значат одговорни општини и испорака на квалитетни и ефикасни услуги за граѓаните. 

повеќе

Либералната империјалистичка доктрина на Америка е одговорна за ужасниот масакр во места како Виетнам, Ирак и Централна Америка. Но Америка, исто така, произведе либерална антиимперијалистичка доктрина што останува затскриена во една ТВ-серија што ја восхитува американската публика уште од 1966 година.

повеќе