На 26 јули „Филхармонија на отворено“ со музиката на „Архангел“

Tрадиционално во соработка со град Скопје, на 26 јули, во 21 часот во Градскиот Парк ќе се одржи концертот„Филхармонија на отворено“. Оваа година концертот е посветен на музиката на еден од најзначајните македонски бендови „Архангел“, во оригинална и автентична оркестрација на Џијан Емин. Публиката ќе има исклучителна можност да ги чуе безвременските песни на овој култен македонски бенд со кој пораснаа многу генерации. Оркестрацијата на Емин ги следи авторските компоненти на песните, но, оркестрацијата е целосно авторска и оригинална. Џијан Емин е диригент на овој концерт, а со оркестарот ќе настапи и фронтменот на „Архангел“ – Ристо Вртев.

„Многу сме среќни, што и оваа година, го реализираме концертот „Филхармонија на отворено“, настан кој премина во традиција, посебно што оваа година тој е посветен на „Архангел“ – бендот кој остави траен печат во македонската рок историја. Сите знаеме кои се „Архангел“, кој е Ристо Вртев, тој е вистински волшебник за мене“, вели Тина Иванова, в.д. диркторка на Филхармонија.

 Ристо Вртев, вели дека привилегија е за секој рок музичар да има ваков оркестар зад себе, и дека ваквите проекти треба да станат традиција.

„Сега, додека ги пејам песните, во ваков амбиент, откривам нови работи, ми будат поинакви емоции од времето кога беа напишани. Се надевам дека со овој концерт ќе придонесеме нашиот град да биде уште поубав“, вели Вртев.

Оркестрациите на песните се на Џијан Емин и тие ќе понудат поинаква звучна слика на песните од „Архангел“.

„И покрај тоа што сум работел со „Архангел“, мојот прв настап со овој бенд како клавијатурист беше во 1998 година, јас себеси, пред се се гледам како фан на овој исклучителен македонски бенд. Така што можам да кажам дека, покрај тоа што ќе го водам овој концерт, јас воедно ќе бидам и дел од публиката“, истакна Емин.

Традиционално овој концерт се реализира во соработка со Град Скопје.

„Возбудени сме што оваа година одбележувањето од трагичниот земјотрес на нашиот град ќе биде збогатено со најдоброто нешто, со музиката на еден од најдобрите македонски бендови „Архангел“. Добрите познавачи ја ставаат оваа музика во т.н. категорија на безвременски песни кои му пркосат на времето и живеат вечно, благодарение на својот врвен музички квалитет“, вели Петре Шилегов, градоначалник на Град Скопје.

Дизајнот на плакатот за настанот е на Горан Златевски, а концертот ќе биде збогатен и со визуелизацијата на Наташа Поплавска, а анимациите на Дејан Матиќ -Део.

 

 

Размислуваме како можеме да ја заштедиме и заштитиме водата, но само додека немаме вода!

повеќе

Во последните 30 години сите политички партии, независно од тоа колку демократски се претставуваат во своите програми, на државата гледаат како на инструмент, што е пак првиот сигнал, чекор кон авторитарност.

повеќе

Ако денес направиме една историска книжевна паралела, драмското дело на Стефановски ќе го квалификуваме како антологиски бисер, кого и сегашните и идните генерации ќе го чуваат како неодминлив столб на целокупната македонска драмска литература.

повеќе