„Младите доаѓаат" – концерт на учениците од државните музички училишта

Оркестарот на Филхармонија вечерва од 20 часот ќе го одржи концертот насловен „Младите доаѓаат" на кој ќе настапат ученици од државните музички училишта.

Како што информираат од Македонската филхармонија, диригент е Дијана Илкоска Имери, а на програмата се дела од А.Крепин, В.Пихл, Ф.А.Хофмајстер, В.А.Моцарт, Џ.Росини, Х.Виењавски, Д,Мијо, Е.Лало и С.Прокофјев.

Како солисти ќе настапат Ѓорѓи Димовски – саксофон (III средно, ДМУ, Битола), Итан Георгиев –контрабас (III средно – ДМБУЦ "Илија Николовски – Луј", Скопје), Леона Кондратенко – виола (IV средно, ДМБУЦ "Илија Николовски – Луј", Скопје),  Јаков Ангелов – виолина (IV средно, ДМБУЦ "ИлијаНиколовски – Луј", Скопје), Наум Палоски – кларинет (III средно, ДМУ "Тодор Скаловски – Тетоец", Струга),  Симеон Гошев – виолина (IV средно, ДМБУЦ "Илија Николовски – Луј", Скопје), Григори Ангелов – саксофон (IV средно, ДМБУЦ "Илија Николовски – Луј", Скопје), Магдалена Дрмач – виолончело (II средно, ДМБУЦ "Илија Николовски – Луј", Скопје) и Гоце Златев – пијано (II средно, ДМБУЦ "Илија Николовски – Луј", Скопје), стои во соопштението од Филхармонија.

Диригентката Имери Илкоска (1988) е една од надежните македонски диригенти. Своето образование го стекнува на Факултетот за музичка уметност во Скопје каде дипломира во класата на проф. Саша Николовски-Ѓумар (Оркестарско диригирање во 2014 г., Хорско диригирање и Музичка Теорија и Педагогија во 2011 г.), а магистрира во класата на проф. Борјан Цанев во 2018 г. Уште во студентските денови, интензивно работи како асистент на маестро Ѓумар со Симфонискиот оркестар на ФМУ, а бележи настапи на повеќе престижни подиуми меѓу кои и фестивалите „Охридско лето" и „Скопско лето" со Камерниот оркестар на Музичка младина на Македонија.

Со појавата не енергетската криза многу земји отстапија од зацртаните планови за намалување на емисиите на стакленички гасови.

повеќе

Работите во Македонија забегаа до тој степен што за нив мора да се пишува отворено, „револуционерно“.

повеќе

Минатата недела во јавноста се актуелизираше дискусијата за концептот на даночната реформа.

повеќе