„Макбет“ со првенците на операта Борис Трајанов и Весна Ѓиновска-Илкова

 На сцената на Националната опера и балет вечер од 20 часот ќе биде изведена операта „Макбет“ на Верди според трагедијата на Шекспир. Режисер е Марко Спада од Италија, а диригент Шпанецот Диего Гарсија Родригез.

„Можеби една од најзначајните драми на Шекспир, која ги отвора прашањата за човековата психологија, алчност и желбата за власт кои го уништуваат здравиот разум. Ова е оперското дело со кое Џузепе Верди воспоставува уметничка врска со Шекспировите драми, па правејќи бројни исклучоци од традиционалната италијанска опера и промена во личниот музички израз, ни ја претставува приказната за деструктивноста на човековата природа, преку главните ликови на Макбет и Леди Макбет кои на сцената ќе ги донесат првенците Борис Трајанов и Весна Ѓиновска-Илкова“, соопшти НОБ.

 Ќе настапат и Александар Стефаноски, Никола Стојчески, Катерина Митева, Дејан Стоев, Диме Петров, Борко Биџовски, Марко Гапо, Димитар Кожухаров, хорот, оркестарот и балетскиот ансамбл на Националната опера и балет.

Сценограф на оперската претстава е Мауро Тинти од Италија, костимограф Раде Василев, а кореографијата е на Олга Панго.

Даночните затајувачи сѐ почесто се мали фирми, кои сѐ потешко се следат.

повеќе

Повлекувањето на Обединетото кралство од ЕУ (Брегзит) е правен потфат без преседан во историјата на правото.

повеќе

Изминатата недела имаше бурен почеток со објавувањето на вториот сет мерки. Се изнаслушавме разно-разни коментари, предлози и видувања кои никако не би можело да се рече дека се засновани на прецизни анализи и предвидувања на надлежните институции во државата, со кои располагаме, НБРСМ и МФ.

повеќе