Во рамки на програмата „Култура во време на Корона"

„Љубојна" вечер ќе пее во Буњаковец, „Бонифејс" во Чаир

Во рамки на програмата „Култура во време на Корона" на Град Скопје вечер ќе се одржат два концерта. Групата „Љубојна" ќе одржи концерт кај Железничката зграда зад трговскиот центар Буњаковец. Концертот ќе почне во 19 часот.

Во Чаир, кај паркот на улица „Вуковарска" во 20.30 часот ќе настапи „Бонифејс" (BONIFACE).

Настапите ќе бидат стримувани на Фејсбук страницата на Град Скопје и на неговиот Јутјуб канал.

Од Градот Скопје потсетуваат дека, заедно со градските културни институции, на 13 април, бил објавен Јавен повик за финансирање проекти како дел од кризните мерки „Култура во време на корона". Идејата на повикот е пред сè да се поддржат невработените уметници, односно оние уметници кои што ги загубиле своите редовни приходи во овој период, но и да се доближи културата до сечиј дом.

Оттаму информираат дека заинтересираните уметници може да се пријавуваат на интернет страницата на МКЦ. Ќе се поддржат маалски изведби во времетраење до два часа, а техничката опрема ќе биде обезбедена од културните установи на Град Скопје. Ќе бидат поддржани и виртуелни изложби, претстави, перформанси, концерти, работилници за деца, во времетраење до два часа.

Сите учесници ќе добиваат еднаков солидарен хонорар во нето износ од 14.500 денари. Повикот ќе трае до завршувањето на вонредната ситуација, велат од Град Скопје.

Јавното здравје и економијата одат заедно и во време на пандемија, па затоа најдобриот начин да ѝ се помогне на економијата во оваа криза е ако се воведат адекватни рестрикции за пандемијата да се стави под контрола.

повеќе

Стопанската комора на Македонија со донесувањето на 4-тиот сет на мерки гледа остварување на ветеното дека Владата на РСМ и во услови на здравствено- економска криза ќе стои зад компаниите.

повеќе

Оваа парафраза на големиот Иво Андриќ, нобеловец и водечко книжевно име на Балканот, за малку ќе го погодеше лично него.

повеќе