ПАСВОРД ПРОДУКЦИЈА

Легендарниот Ричи Хотин (Пластикмен) е вториот мега-хедлајнер на „Грин Бич Фестивал“

Покрај настапот на ненадминливиот маг на електронската музика Свен Ват, кон програмата на „Грин Бич Фестивал 2017“ се приклучува и генијалниот Ричи Хотин (Richie Hawtin), еден од најголемите електронски уметници на сите времиња, кој ќе настапи на 28 јули на плажата „Парк“ во Охрид.

Ричи Хотин е клучната личност на модерната електронска музика, истакнат иноватор и креатор на една од најзначајните техно етикети „Минус“, но и култната „Плус 8“. Вистинскиот револуционер, Хотин е заслужен за популарицазијата на техно музиката, како и за развојот на денешните технолошки алатки кои ги користат водечките диџеј ѕвезди, а неодамна со компанијата „Ален & Хит“ тој ја креираше новата миксета за која многумина тврдат деќа ќе предизвика нова револуција на диџеј сцената.

Британец по потекло, а израснат во Канада, Ричи Хотин важи за артист кој е секогаш во првите редови кога е во прашање инвентивната технологија во процесот на создавање музика. И тоа не случајно, бидејќи уште од детска возраст, неговиот татко, кој е инженер за роботика, го охрабрува интересот на Ричи Хотин во музиката и технологијата.

Денес Ричи Хотин е креативниот ум кој стои зад респектираните етикети „Плус 8“ и „Минус Рекордс“, негувајќи плејада таленти од деведесеттите до денес. Се разбира, веројатно и најважно од сѐ, тој е култниот Пластикмен, електронскиот музичар пар екселанс кој со своите изданија ја одржува андерграунд агендата на авангардната електронска музика, неговото алтер-его со кое ја сочува својата уникатност и со кој остана секогаш свој меѓу новата електро-денс генерација на имиња како Скрилекс, Дедмаус и тн., ѕвездите кои Хотин го сметаат за амбасадор на старата гарда и херој на иновациите.

„Њујорк тајмс“ за овој артист вели дека е „една од интелектуалните сили во светот на електронската музика“, додека пак славната Хито, една од неговите верни пријателки вели: „Ричи го претвори развојот на технологијата во уметност“. А восхитувањето за неговото дело стигнува и од различни области во кои Хотин го покажува широкиот спектар на неговата креативност. Раф Симонс, поранешен креативен директор на Диор, вели дека во моментите на инспирација тој ја слуша „музиката на Ричи Хотин како што другите слушаат класична музика“, нарекувајќи го „Крафтверк на денешницата“.

И тој е постојано авангарден. Во своите тинејџерски денови Ричи Хотин беше длабоко навлезен во техно сцената на Детроит во средината на ’80-тите, која во тоа време беше повеќе подземна музичка машина во зародиш отколку популарен стил. Стана диџеј, ја основа етикетата „Плус 8“ со својот пријател Џон Аквавива, со кого подоцна во 2004 година беше дел од тимот кој го оформи и славниот Беатпорт, денес најголемиот онлајн хаб за електронска музика.

Заедно со пионерот на детроитската сцена Карл Крег, Хотин е запишан во историјата како двигател на вториот бран детроитско техно и предводник на андерграунд сцената на градот. Подоцна тој воедно беше и еден од пионерите на минимал техно стилот од берлинската сцена. Во тој период беше близок соработник и на Свен Ват, хедлајнерот на втората фестивалска вечер на „Грин Бич Фестивал“, а токму резиденцијата на неговите Cocoоn-журки на Ибица ја означи новата ера од кариерата на Ричи Хотин.

Во 2015 и неговата посветеност на едукацијата доби ново признание кога му беше доделен почесниот докторат на Универзитетот Хадерсфилд, за особен придонес во светот на музичката технологија. Минатата година пак, Ричи ја започна најавувајќи го создавањето на Play Differently и новите технолошки производи кои ќе ја прошират креативноста на современата генерација артисти на електронската музика. А тој и понатаму не престанува да ги надминува границите на доживувањето на електронската музика. Само пред неколку дена, на гигантскиот фестивал „Coachella“ премиерно го претстави новиот аудиовизуелен спектакл „Close“, кој има за цел да го хуманизира изведувачкиот процес во електронската музика.

Со настапите на Ричи Хотин на 28 јули и Свен Ват на 29 јули несомнено е дека пред нас е досега најмоќното издание на најголемиот фестивал на електронската музика кај нас – „Грин Бич Фестивал“. Влезниците за фестивалот ќе бидат достапни во продажба веќе утре (петок, 21-ви април) и тоа по првите цени од 650 денари за еднодневните билети и 1.200 денари за дводневните (фестивалски) влезници. Станува збор за најповолната понуда на билетите со 40% попуст во однос на нивната финална цена, кои ќе се продаваат само во ограничен број преку продажната мрежа на МКтикетс, известија од „Пасворд продукција“.

Сега свесно или несвесно се оди во друг правец, сведувајќи ја  партијата  на ниво на  дебатен клуб.

повеќе

Најчести места каде што може да се препознае (и шири) говорот на омраза на интернет се всушност онлајн медиумите кои дозволуваат простор за коментирање.

повеќе

Веќе е јасно дека не треба да има никакво сомневање дека прислушуваните разговори треба да бидат прифатени како докази во постапките.

повеќе