Крсте Роџевски со њујоршкиот Ол-стар бенд на 3 јуни на Офф-фест

Македонскиот композитор, гитарист и пејач со кадифен глас Крсте Роџевски, кој повеќе од 20 години живее и работи во Њујорк, ќе одржи ексклузивен концерт во рамките на годинешниот ОФФ-фест, на 3 јуни во МОБ.

Тој ќе настапи со некои од највозбудливите музичари од првата лига на њујоршката џез-авангарда: Мери Халворсон (гитара), Кирк Кнафке (труба), Томика Рид (чело), Мајкл Бланко (контрабас) и Тома Фуџивара (тапани), практично јадрото од екипата солисти со кои тој изминативе неколку години соработуваше при создавањето и снимањето на неговите композиции.

Ова ќе претставува македонска концертна премиера на музичкиот материјал на Роџевски од неговите три албуми: „Batania“ (2015), „Bitter Almonds“ (2017) и „The Rabbit And the Fallen Sycamore” (2018), што добија одлични рецензии и пофалби од светската музичка критика, а последниот беше избран за еден од најдобрите албуми во 2018 година според реномираните списанија „Даунбит“ (Downbeat) од САД и „Вајр“ (Wire) од Велика Британија.

Роџевски своите почетоци ги бележи во деведесеттите години во Битола, заедно со група музичари од која подоцна ќе произлезат Фолтин и Љубојна. Пошироката публика го познава по музиката од филмовите „Сенки“ и „Бикини Мун“ на Милчо Манчевски, „До Балчак“ на Столе Попов и „Војната заврши“ на Митко Панов, како и по соработката со Дуке Бојаџиев на неговиот албум “Love Is The Way”.

Крсте Роџевски е второто потврдено име на ОФФ-Фест 2019, покрај африканската дива Фатумата Дијавара, чиј настап е закажан за 5 јуни, исто во МОБ. Комплетната програма на 18-то издание на ОФФ-Фест, што ќе се одржи од 3 до 8 јуни во Скопје, ќе биде објавена во текот на следната недела.

Рециклирањето можеби ни се чини како спас за природата, но најчесто е спасение само за нашата (валкана) совест.

повеќе

Културата на победништво од нашите епски и херојски денови тотално ги уназади овие општества во 20 век, вели Миљенко Јерговиќ во интервју за Бука.

повеќе

Запрашајте се, о, вие, бездарници анационални што направивте!

повеќе