Израелците воодушевени од концертите на Филхармонијата

Со овации и одлични реакции од публиката, но и од стручната јавност беа проследени трите концерти кои Филхармонија од 1 до 6 oктомври ги одржа во рамки на турнејата во Израел.

На првото гостување во светата земја, оркестарот се претстави под диригентската палка на Маестро Јерухам Шаровски и со младата солистката Даниеле Акта. Оркестарот одржа три концерти во Ерусалим, Од Хашарон и Ришон ЛеЦион. Концертите беа во соработка со оркестрите во овие градови – Симфонискиот оркестар на Ерусалим и Оркестарот во Ришон ЛеЦион со чии директори Јаир Штерн и Оферс Села се сретна директорот на Филхармонијата, Виктор Илиески. На средбите беа поставени основи на натамошна соработка, соопштија од Филхармонијата.

Филхармоничарите со овации беа испратени од сцените на Еруаслим и Ришон ЛеЦион каде тамошната публика особено позитивно реагираше на изведбите на делата од македонските композитори Глигор Смокварски – „Тешкото“ и „Прелудиум Пајдушка“ од Сони Петровски кое беше изведено на бис.

Покрај овие дела на програмата беа и концертот за виолончело и оркестар од Едвард Елгар, кој го изведе неверојатно харизматичната и виртуозна Даниеле Акта, како и познатата Симфонија број 9 „Од Новиот Свет“ од Антонин Дворжак.

На концертот на отворено во градот Од Хашарон на кој присуствуваа повеќе од 2.500 посетители, Филхармонија изведе друга програмата – увертирата „Руслан и Људмила“ од Глинка, молитвениот „Кол Нидреи“ за виолончело и оркестар од Макс Брух, како и атрактивната „Увертира 1812“ од П.И. Чајковски. И овој концерт беше поздравен со воодушевување и овации од публиката. На трите концерти беа интонирани и националните химни на двете држави, посочија од Филхармонијата.

Министерот за култура Хусни Исмаили во неговото поздравно обраќање пред концертот во Ришон ЛеЦион, информираат од Филхармонијата, го истакна значењето на продлабочувањето на соработката меѓу двете земји отворајќи простор за креирање на нови проекти за промоција на културата, на научните и духовните вредности, не замо на национално, туку и на меѓународно ниво.

Турнејата на Филхармонија во Израел беше целосно поддржана од Министерството за култура, а реализирана со особени заложби на диригентот Јерухам Шаровски, в.д. амбасадорот Александар Аврамовски, амбасадорот на Израел, Дан Ориан, почесниот конзул на РС Македонија во Израел, Шломо Грацијани, како и со поддршка на семејствата на Рашел Шели Леви Драмер и на Бела Балашников од Битола кои се жртви на холокаустот, стои во соопштението од Филхармонијата.

Десензитивизацијата на Американците кон вртоглаво зголемениот број на жртви во пандемијата ја оправдува познатата опсервација на Јосеф Сталин: „Една смрт е трагедија; еден милион е статистика “. 

повеќе

Практичната имплементација на владината стратегија „едно општество за сите“, која на хартија има добри намери, е засенета од неуспешната борба против корупцијата и организираниот криминал.

повеќе

Веќе четврта деценија штом општеството се фокусира на македонско-бугарските или македонско-албанските односи, на улиците излегуваат навивачките групи со навредливиот репертоар. Спонтано? Ајде, Ве молам.

повеќе