„Време е за чај“

Изложба и музички перформанс на францускиот уметник Рено Рулман

Галеријата „Остен" вечер од 20 часот ќе организира самостојна изложба „Време е за чај" и музички перформанс на францускиот мултимедијален уметник Рено Рулман кој ќе ги претстави своите графики-цијанотипии.

„Циклусот „Време е за чај” е серија на цијанотипии, специфичен фотографски графички процес со кој се продуцираат цијано-сини графики. Како фотограф на аналогна фотографија, Рулман ќе се претстави со 30 цијанотипии – како омаж на оваа техника (1842 г.), преку кои ќе покаже како да се направат копии од растенија како хербариум. Се работи за мешавина од сликарство, фотографија и геометрија. Дополнително, уметникот ќе изведе музички перформанс со генерирање музика од македонски цвеќиња на отворањето на изложбата“, соопшти „Остен“.

Рено Рулман (1982) е француски аналоген фотограф кој има специјализирано на музичка фотографија и архитектура. Во текот на десет години работи со неколку мизичари, брендови и простори во музичката индустрија и соработува со градители и креатори на стара органска архитектура. Користи стара техника на црно-бели филмови и е посветен на создавање  цијанотипии со кои создава архива на растенија со кои ја зачувува убавината на природата.

 Рулман создава и музика и со „Звуците на природата” развива проект со кој преку звук се сензибилизира комуникацијата со вегетацијата. Создава хербален звук со поврзување на растенија во живо, за да ги прикаже и валоризира терапевтските и медицинските можности на растенијата. 

ЕУ, свесна за демократскиот дефицит на земјите од Западниот Балкан (но и останатите, претежно економски проблеми), како да тежнее кон формирање блиски, но и специфични односи со овој регион, без полноправно членство.

повеќе

Нарушени се човековите права и слободи, нема владеење на правото и правосудството, кои треба да бидат основа на процесот.

повеќе

Поентата на глобализмот е максимално економско вмрежување во десетици економски сојузи на секоја држава.

повеќе