„Интерфест Битола 2019“ почнува со гала оперски концерт

Интернационалниот фестивал на класична музика „Интерфест Битола 2019“ ќе почне со гала оперски концерт на солисти и оркестарот на Националната Опера и Балет, и под диригентство на Бисера Чадловска и Иван Еминовиќ.

Свеченото отворање на 28. издание на „Интерфест“ ќе се одржи во среда, на 2 октомври од 20 часот на сцената на битолскиот Театар.

Според програмата, до 11 октомври на фестивалските сцени во битолскиот Музеј, Центар за култура и Народен театар-Битола, ќе настапат уметници од Италија, Франција, Полска и Северна Македонија.

Годинава од Италија гостуваат дуо хармоника и пијано Џанкрало Калабриа и Симоне Пагани, дуо гитара и пијано Лапо Ванучи и Лука Ториџиани, како и италијанското барокно трио „Стара музика“ со кои ќе заврши фестивалот. Но, во Битола концерти ќе приредат и дуо Фортчело од Франција, дуо пијано и флејта Тереза Кабан и Хенри Блажеј од Полска, како и македонските уметници Томе Костовски-пијано, Валентин Наумов-виолина и Верица Дивитарова-пијано.

Интернационалниот фестивал на класична музика „Интерфест“ се одржува од 1992 година, а иницијатори и основачи се  Милица Шперовиќ Рибарски и Кирил Рибарски.

Овогодинешниот процес во одлучување по конкурсот за финансирање на проекти за игран филм е селективен, корумпиран и компромитиран,

повеќе

Во споредба со 2019 година, просечното време поминато на социјалните медиуми во 2020 година се зголеми за рекордни 100% на сите платформи.

повеќе

Ковид-19 може да нѐ научи битни лекции за животот - дека почитта кон другите човечки суштества не е во честа која им ја даваме со пружање рака и тапкање по грбот, туку во суштинската грижа за нивната добробит и здравје.

повеќе