Филхармонија со концерт и на 28 јануари

На 28 јануари со диригентот Борјан Цанев и Ања Коловска на хармоника, пред публиката ќе биде изведен концертот за хармоника и оркестар „Аконкагва" од Астор Пјацола, „Песна и танец" од Томе Манчев и „Орава" за гудачки оркестар од Војцек Килар. Концертот, посочуваат од Филхармонија, е најава за уште многу впечатливи настани и во новата концертна сезона.

Со концертот насловен „Аконкагва“ Филхармонија продолжува и во 2021 со успешна реализација на предвидената програма, која минатата концертна сезона 2019/2020, како што велат надлежните во оваа културна установа, и покрај пандемијата се реализираше во целост.