Фaтумата Дијавара ќе настапи на 18-от Оффест

Потврдено е првото име од програмата на Оффест 2019 - неприкосновената африканска дива Фатумата Дијавара (Fatoumata Diawara).

Една од водечките и најекспонираните претставнички на модерната африканска музика, Фатумата Дијавара со гордост го почитува и негува богатото музичко наследство на Мали и воопшто Африка, но со сопствена визија за иднината, оригиналност, инвентивност и подготвеност за експериментирање.

Нејзиниот спектакуларен деби албум “Fatou” (2011) ја лансираше како една од најатрактивните и највозбудливите нови ѕвезди на африканското музичко небо. Вториот албум “Fenfe” (2018) само ги потврди нејзините несомнено високи артистички, композиторски, пејачки и свиречки квалитети и го зацврсти статусот на една од најхаризматичните појави на африканската музика денес.

Иако млада, таа веќе има соработувано со некои од најзначајните имиња на современата музика: Херби Хенкок, Боби Вумек, Пол Макартни, Дејмон Албарн, Роберто Фонсека, Амаду и Мариам, Уму Сангаре, Тумани Дијабате и други. Позната е и по своите улоги како актерка во неколку филмови (меѓу кои наградуваниот „Тимбукту“), но и по својот општествен ангажман и активизам.

Концертот на Фатумата Дијавара во Скопје е закажан за 5 јуни, а информациите за местото на одржување и билетите ќе бидат објавени дополнително, информираат од Скопје џез фестивал.

 

Македонските граѓани конечно го гледаат крајот на илузијата што им се продава од осамостопјувањето до денес.

повеќе

Министерот за финансии не треба да е кум, баџанак, шура, братучед или самиот тој, бидејќи треба да даде отпор на честите политички, но не и економски барања на членовите на владата.

повеќе

Зрелоста на еден народ е да препознае кога протестите за замена му ги продаваат како протести за промена. 

повеќе