Денеска и утре во Кинотека документарци за „Лајбах“, „Панкрти“ и „Булдожер“

Три музички документарци во словенечка продукција ќе бидат прикажани денеска и утре во Кинотека, во рамки на августовската кинотечна програма.

Под генерален наслов „Музиката е уметност на времето“ (Glasba je časovna umetnost), Игор Зупе реализира два документарни филма – за албумите на словенечките бендови „Лајбах“  и „Панкрти“, а Варја Мочник – за пресвртничкиот деби-албум „Плукни ѝ на вистината в очи“ (Pljuni istini u oči) на рок-групата „Булдожер“.

Документарците за првиот официјален домашен албум на контроверзниот арт-бенд „Лајбах“  и за бендот „Панкрти“ и нивниот деби-албум „Dolgcajt“ (на англиски преведуван како No Fun), ќе бидат прикажани вечер од 20 и од 21 часот, а за „Булдожер“ утревечер од 20 часот.

Гости на проекциите ќе бидат документаристот Игор Зупе и филмскиот режисер Андреј Кошак.

Реализирани во почетокот на 1980-тите години, албумите на овие бендови ги поставија темелите на музичкиот и социополитичкиот бунт во Словенија, како што во Загреб и Белград паралелно се тркалаа настаните во ритамот на „новиот бран“, соопшти Кинотека.

Трите документарни филмови Кинотеката ги прикажува во соработка со Амбасадата на Словенија во Скопје.

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе