Млад отворен театар по 45-ти пат, од утре до 4 декември

Од утре до 3 декември ќе се одржи 45-то издание на Млад отворен театар со претстави во живо и фестивалски онлајн претставувања специјално за фестивалот, а ќе бидат претставени 12 продукции во домашна продукција, како и театарските куќи од Словенија, Србија, Грција и Хрватска, најавуваат од МКЦ.

Организаторите велат дека овогодишното издание е формула со која се обидуваат да не го прекинат континуитетот на еден од најстарите меѓународни театарски фестивали во регионот.

„И во минатото имало економски кризи, пандемии, војни... но МОТ немал прекин никогаш, а ...ќе има и утре! Сработивме многу годинава и не сакавме  да дозволиме единствено да не се случи МОТ. Не ја даваме живата уметност, не го даваме театарот и затоа оптимистички го отвораме и затвораме фестивалот со претстави во живо, бидејќи ќе има и утре!“, изјави Русе Арсов во име на тимот на МКЦ, кој одлучно го подготвува ова издание.

Во десет фестивалски вечери, ќе се видат дури три премиери, „Универзална во пламен - трагедија во шест декади“, копродукција на МОТ и Факултет за работи што не се учат,  перформансот „Screensaver“, развиен во рамки на програмата „Современа кореографија и танц“ на Локомотива - Центар за нови иницијативи во уметноста и културата и „Херои 4:33“, во режија на Деан Дамјановски на Театар „Ј. Хаџи-Константинов Џинот“, Велес.

Фестивалот се отвора со премиера на „Универзална во пламен - трагедија во шест декади“, копродукција на МОТ и Факултет за работи што не се учат (дел од тимот се победниците на Прашкото квардинале за перформанс, дизајн и простор во 2019).

„Универзална во пламен“ е перформанс - есеј за Жан Кокто во прошетка низ скопските улици, за поетот што во пожарот го спасувал огнот, наместо предметите што гореле. Ова е приказна за затворениот објект на Универзална сала, кој официјално не функционира веќе пет години. Но таа е и дел од меморијата на Универзална сала, среде сите настани во нејзината долга историја. Ова е претстава за новата солидарност, која овие времиња ја бараат: за пожарот, трагедијата и за катарзата од која треба да роди нова солидарност како фениксот што се раѓа од пепелта, од пепелта на Грамши.

„Додека општеството дебатира дали еден објект во центарот на градот треба да се урива или не, ние на тоа одговараме со уметност. Немаме историска дистанца од општествениот проблем, што е особен предизвик туку сме еден спроти друг со него и си го поставуваме прашањето која е улогата на уметноста сега во општеството и кое е тоа општество кое нé доведе до овде“, вели авторскиот тим на „Универзална во пламен - трагедија во шест декади“, Кристина Леловац и Филип Јовановски.

Претставата ќе има 5 премиерни изведби - од 24 до 28 ноември.

45-от, за прв пат хибриден Млад отворен театар ќе се случува на три сцени, во домовите, Младински културен центар и Универзална сала. Цената на билетите за претставите во живо e 300 денари, а онлајн претставите се бесплатни, но неопходен е билет, бидејќи бројот на гледачи на стримот е ограничен. Сите билети се достапни преку следниот сајт.

Фестивалот е поддржан од Град Скопје.

 

Критичкото малцинство, на 2020 година не гледа само како на година која ја донесе вирусната пандемија, туку и како на година која донесе и еден друг вид на пандемија, онаа на КОВИД-авторитаризмот.

повеќе

Во моментов, мал број проекти или иницијативи во Македонија се фокусираат на тоа како универзитетите ги подготвуваат студентите за општествена одговорност и за граѓанскиот статус.

повеќе

Попис на населението во 2020 треба да има, затоа што тоа утре може да биде услов за Македонија да чекори напред кон ЕУ.

повеќе