Гласањето почна денеска

„Медена земја” ја почна трката за номинација за Оскар во две категории

Македонскиот филм „Медена земја" ќе се натпреварува за номинации во две категории за престижното, 92-ро издание на наградите „Оскар", одлучи Американската филмска академија. Гласањето почнува денеска и ќе трае до 7 јануари, а номинациите ќе се објават на 13 јануари.

„Медена земја" е во трката за номинација во категоријата документарни филмови во кои влегоа 15 документарци, како и во категоријата Меѓународен филм во која се номинирани десет филмови.
Филмот „Медена земја" и кинематографите Самир Љума и Фејми Даут веќе ја добија наградата за најдобра кинематографија на Меѓународните документарни награди во Лос Анџелес.
Документарецот на режисерите Тамара Котевска и Љубомир Стефанов ја доби и наградата „Паре Лоренц" овој фестивал ја доделува за „давање пример за филмско снимање, со истовремено фокусирање на соодветната употреба на животната средина, правда за сите и откривањето на социјалните проблеми".
Македонскиот филм „Медена земја" беше прогласен за најдобар филм во 2019 година од страна на Друштвото на њујоршки филмски критичари, но и од престижниот весник „Њујорк Тајмс" кој го стави на врвот на листата на најдобри филмови годинава. Филмот изминатава година освои бројни признанија во Европа и светот.

Повлекувањето на Обединетото кралство од ЕУ (Брегзит) е правен потфат без преседан во историјата на правото.

повеќе

Изминатата недела имаше бурен почеток со објавувањето на вториот сет мерки. Се изнаслушавме разно-разни коментари, предлози и видувања кои никако не би можело да се рече дека се засновани на прецизни анализи и предвидувања на надлежните институции во државата, со кои располагаме, НБРСМ и МФ.

повеќе

Наместо да седнат заедничи и оние од власта и оние од опозицијата и да се договорат околу стратегијата за борбата со најголемата опасност, тие мудруваат и кажуваат бајки.

повеќе