Златен медал за уметникот Синиша Кашавелски во Париз

Уметникот од Куманово, Синиша Кашавелски доби уште една престижна награда и го потврди својот статус, амбасадор на македонската уметност во светски рамки.

Интернационалното жири од „Mоndial art academia“ со седиште во Париз на 3 јануари му додели златен медал за сликарство, конкретно за сликата „Vita Nuova“.  Македонскиот уметник е и амбасадор на уметноста од Македонија во оваа организација. Претходно оваа слика беше изложена во Лувр, во Париз каде доби одлични критики од јавноста.

Изминатата 2018-та за македонскиот уметник беше исклучително успешна. Тој лани доби гран при на Art Eхpo  во Венеција, каде беше апсолутен победник во својата категорија. Во јуни, беше награден со златен орден за заслуги во уметноста од Асоцијацијата за уметност, наука и книжевност на Франција, по што следуваа и наградите „Giulio Cesare“ и „The Best  Contemporary Artist- 2018“.

Кашавелски учествуваше и на изложбите во Сингапур, Art Expo во Куала Лумпур и на престижниот есенски салон во Париз.

Познатиот интернационален уметник има амбициозни планови за годинава, учество на престижни настани, меѓу кои зимски салон во Париз, Art Expo во Џенова, во Јужна Кореја, и самостојни изложби во Пекинг, Сингапур и Џакарта.

Демонизирањето на Исламот и неговото постојано поврзување со тероризмот е загрижувачка појава во светот, а и на Балканот.

повеќе

Последните искричења во меѓународниот поредок ја прават нејасна агендата за евроатлантски интеграции на регионот која претставува неопходен услов за долгорочна стабилност на Западен Балкан.

повеќе

Очигледно во градењето на македонското општество заборавивме да ја промовираме правдата како негова примарна цел.

повеќе