Во Струмица отворен културно-уметничкиот проект „Уметност и вода-магија на животот"

Во присуство на амбасадарот на ЕУ во земјава, Самуел Жбогар, градоначалникот на Струмица, Коста Јаневски, заменик министерот за животна средина и просторно планирање, Јани Макрадули, градоначалници од регионот и ученици од основни училишта од Струмица денес беше отворен културно-уметничкиот проект „Уметност и вода-магија на животот", имплементиран од „Здружение за третман на води на Северна Македонија", а финансиран од Европската Унија.

Амбасадорот Жбогар во обраќањето истакна дека водата треба да се користи внимателно во време кога ја има се помалку во светот.

„За да ја издвоиме оваа фабрика од обичните одлучивме да ги обоиме ѕидовите. Овие прекрасни илустрации покажуваат што прави фабриката и колку е важно да ја одржуваме околината чиста. Од се срце сака да им се заблагодарам на петте извонредни уметници, кои ни помогнаа да ја раскажеме оваа приказна“, истакна евроамбасадорот Жбогар.

Додаде приказната на ЕУ за заштита на животната средина продолжува овие денови со нова кампања наречена „За чисто како дома исто“.

Градоначалникот на Струмица, Коста Јаневски потенцираше дека општината е горда на Пречистителната станица, која е изградена со средства од ИПА фондовите и во согласност со регулативите на Европската Унија и е прва во државата, со која што општина Струмица го решава проблемот со отпадните води.

 „Како општина на која што заштитата на животната средина во овој современ начин на живеење и е приоритет, без двоумење ја прифативме партнерската понуда на Здружението за третман на води на Северна Македонија за реализација на културно – уметничкиот проект „Уметност и вода-магија на животот“, финансиран од Европската Унија. И денеска сме навистина горди на делата од овој проект“, рече градоначалникот Јаневски.

Муралите и илустрациите на објектите на Пречистителната станица за отпадни води ги создадоа уметниците Ване Костуранов, Драган-Драш Китановски, Марјан Димиќ, Филип Конески и Блаже Атанасков

Ученици од основни училишта од Струмица изложија свои цртежи на ликовна колонија во Пречистителната станица насловена „Нацртај ја водата“, кои ги создадоа по повод Светскиот ден на водата 20 март.

Амбасадорот Жбогар им додели благодарници на училиштата од општина Струмица за учеството на изложбата со нивни цртежи.

(Текстот е одговор на колумната „Сите нации се модерни конструкти" од д-р Љубица Спасковска објавена на МКД.мк, 1 август)

повеќе

На мојот пријател, овчарот Митко му реков: „Дојде време ти, јас, сите граѓани на Македонија да си го вратиме суверенитетот на оваа наша држава".

повеќе

Неопходно е да се допрецизира законот со што би се овозможило одреден дел од финансиски средства да се пренасочат кон делот на општествена одговорност на приредувачите на игри на среќа со цел подобрување на спортската инфраструктура.

повеќе