Во „Рудиќ галерија“ изложба на фотографии на Филип Лафазановски

Самостојна изложба на младиот и перспективен македонски автор, Филип Лафазановски ќе биде отворена вечер во 20 часот во „Рудиќ Галерија".

На изложбата ќе бидат прикажани 30 фотографии од творештвото на Лафазановски.

Филип Лафазановски е роден во Скопје на 14 јануари 2000 година. Средно образование завршил во Гимназијата „Никола Карев“. Моментално посетува додипломски студии на Универзитетот за аудиовизуелни уметности „ЕСРА“ во Скопје, насока – Филм и дигитални медиуми. Со фотографија се занимава пет години.

„Неговиот фотографски интерес е насочен кон секојдневни ситуации и моменти на обичниот човек во урбана средина, впечатливо нагласувајќи го стилот на таканаречената улична фотографија (street photography). Во фотографиите најчесто е прикажан односот помеѓу човекот и архитектурата, создавајќи композиција на современиот градски живот“, се наведува за делата на Лафазановски. 

Негови фотографии се објавени во медиуми како: Urban Eye Magazine, 2016; We Street Book, London, 2016; Global Photography Network, 2018, а има оставрено и самостојни изложби во Печ и Сегед, Унгарија.  

Наградуван е на: Фотомедија 2016 (FIAP бронзен медал) и на Деновите на Македонска фотографија за 2016 и 2017 година на кои се закитил со златни медали во младинска конкуренција. Како автор е вклучен во колекцијата на Фото сојузот на Македонија: „Актуелен момент во македонската современа фотографија“, која е прикажана во Чачак, Скопје, Негова (Словенија) и во Ријека. 

Овогодинешниот процес во одлучување по конкурсот за финансирање на проекти за игран филм е селективен, корумпиран и компромитиран,

повеќе

Во споредба со 2019 година, просечното време поминато на социјалните медиуми во 2020 година се зголеми за рекордни 100% на сите платформи.

повеќе

Ковид-19 може да нѐ научи битни лекции за животот - дека почитта кон другите човечки суштества не е во честа која им ја даваме со пружање рака и тапкање по грбот, туку во суштинската грижа за нивната добробит и здравје.

повеќе