Во КИЦ-Скопје изложба на фотографии од фестивалот „Зрно“

Во Културно-информативниот центар, вечер ќе биде отворена изложба на дела настанати на првото издание на меѓународниот фестивал на алтернативна фотографија „Зрно“, што се одржа од 6 до 10 јули во Скопје, под мотото „Да растеме заедно“.

Изложбата е од ревијален карактер и на неа може да се види игривиот дух полн со експериментирања на различните благородни фотографски техники, кој провејуваше за време на одржувањето на работилниците. Предавачи на работилниците беа Предраг Узелац и Ивана Томановиќ од Србија, Милош Звицер и Дејан Калезиќ од Црна Гора, Кети Талевска-Бакревска, Викторија Мачковска и Сашо Алушевски од Македонија. Најголемиот број учесници беа од земјава, но имаше учесници и од Босна и Херцеговина и Србија, информираат од Културно информативниот центар – Скопје.

Мисијата на „Зрно“ е да поттикнува млади автори и авторки, да се впуштат во едно посериозно третирање на фотографијата, да направи заедница базирана на соработка помеѓу љубителите на алтернативната фотографија во светот. Да понуди можности за соработка помеѓу алтернативните фотографи, институциите и академиите за уметност, на алтернативен начин. 

Од општи формулации кон конкретни разговори.

повеќе

„Вчерашниот ден измина, утрешниот допрва доаѓа, го имаме само денес - да започнеме“.

повеќе

Шоковите кои се случуваат истовремено и распадот на меѓународната соработка го направија управувањето со кризи невозможно - барем со користење на стандардните алатки. 

повеќе