Видео проекција и дискусија со Ана Адамовиќ во Музејот на современа уметност

Видео проекција и дискусија со визуелната уметница Ана Адамовиќ во разговор со кураторката Јованка Попова, ќе се одржи во Музејот на современа уметност во Скопје, КСП Центар – Јадро.

Избраните видео дела што ќе бидат претставени и дискутирани се осврнуваат на главните преокупации во уметничката пракса на односот помеѓу ангажираната уметност и видео-уметноста.

Ана Адамовиќ се занимава со прашањата за идентитетот и меморијата како лични така и колективни, работејќи на долгорочни фотографски и видео проекти. Од 1999 г. нејзините дела беа изложувани на многубројни самостојни и групни изложби во Србија и во странство вклучувајќи ги и 34-то Биенале во Сао Паоло, Музејот на југословенската историја во Белград, Салон на Музејот на современа уметност во Белград, Музејот на модерна и современа уметност Риека, Музејот на фотографија во Солун, Фондацијата за уметност на Осаге во Хонг Конг, Кина, Музејот на фотографија во Брауншвајг. Дипломирала на одделот за светска книжевност на Белградскиот универзитет и студирала фотографија на Институтот за уметност во Бостон.

Јованка Попова е куратор во Музејот на современата уметност – Скопје и куратор и програмски координатор на Проектниот простор „Прес ту егзит“. Докторант на Факултетот за медиуми и комуникации СИНГИДУНУМ во Белград. Магистрирала на Институтот за Историја на уметноста, насока – современа уметност на Филозофскиот факултет во Скопје. Работела на повеќе домашни и интернационални кураторски проекти. Во 2019 била куратор на северно македонскиот павилјон на 58. Венециско биенале.

Програмата „Видео уметници од Македонија и регионот“ се реализира со финансиска поддршка на Швајцарската амбасада во Македонија. 

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе

Ентузијазмот во првите месеци од годинава во врска со масовната вакцинација беше таков што Србија во март беше прва меѓу европските држави според бројот на граѓани што примија втора доза на милион жители. 

 

повеќе

Со само 48% вакцинирано население, недозволиви грешки на стручниот штаб за Ковид-19 и масовни протести против вакцинација, очигледно е дека кампањата за вакцинација во Словенија беше навистина неуспешна. 

повеќе