Самостојна изложба на Љупчо Бојаров во Велес

Самостојната изложба на академскиот сликар Љупчо Бојаров вечер, во 19 часот, ќе биде отворена во Народниот музеј во Велес. Публиката ќе може да ги погледне ликовните дела на Бојаров изработени во мал формат од 1985 до 2019 година.

Делата се изработени во повеќе ликовни техники: масло на платно, цртежи, линорез во боја графика, дрворез графика и објекти. На изложбата ќе бидат прикажани ликовни истражувања на симболи и знаци изработени во поседниве три децении. Искуството од истражувањето во повеќе ликовни техники ќе биде претставено на четирисетина дела.

Љупчо Бојаров е роден на 16 август 1959 година во Скопје. Училиште за применета уметност завршил во Скопје во 1978 година. Дипломирал на Факултетот за ликовни уметности во Скопје во 1984 година. Член е на ДЛУМ од 1984 година. Живее и работи во Скопје.

Добитник е на повеќе награди, во земјава и во Шведска, Италија, во поранешна Чехословачка. Досега имал повеќе самостојни изложби и учествувал на меѓународни изложби во нашата држава и во Србија, Шведска и Црна Гора. Бил дел од групни и меѓународни групни изложби во нашата земја и во Србија, Црна Гора, Чехословачка, Унгарија, Словачка, Шведска, Англија, Франција, Америка, Грција, Египет, Италија и Бугарија.

Изложбата ќе биде отворена до 16 овој месец. 

Јавните медиумски сервиси треба да бидат столб на демократските општества и примарен извор на информации за сите граѓани.

повеќе

Отповикот или импичментот на претседателот Доналд Трамп од страна на Претставничкиот дом покажува дека членовите на Конгресот на САД прво се партијци, а потоа Американци.

повеќе

Најпрво, важно е да се напомене дека поседувањето на оф-шор компанија не е нелегално само по себе. Во суштина оф-шор земјите нудат низа поволности како што се исклучително поволни стапки на данок. Всушност, некои од нив имаат нула стапка на данок. 

повеќе