Првите македонски НФТ уметнички дела ќе бидат изложени во Париз

Македонскиот дигитален уметник Зоран Попоски изложува на водечкиот меѓународен саем за дигитална уметност и крипто колекции КАДАФ 2021 во Париз, Франција, во периодот од 17 јуни до 23 јуни. На саемот Попоски ќе се претстави со избор од неговото поново уметничко творештво, составен од дигитални анимации и видео арт како и првите македонски НФТ уметнички дела.

НФТ претставуваат новост во дигиталната уметност. Неодаменешната продажба во март на едно НФТ дело преку аукциската куќа Кристис за речиси 70 милиони долари придонесе за брза популаризација на НФТ уметноста. НФТ се дигитален токен кој содржи двојна вредност: како форма на криптовалута и како форма на уметност или култура.

Ова е второ издание на меѓународниот саем за дигитална уметност и крипто колекции КАДАФ. На саемот ќе бидат претставени 100 светски уметници активни во современите дигитални уметнички медиуми, како што се вештачка интелигенција, виртуелна реалност, генеративна уметност, видео арт, НФТ, и др. Покрај изложбите, КАДАФ 2021 ќе вклучува предавања, дебати и проекции.

Зоран Попоски магистрирал уметност во нови медиуми во Австрија и САД, а докторирал студии на културата во Скопје. Има реализирано над 100 меѓународни изложби и е добитник на повеќе меѓународни награди за уметност.

 

 

Време е да се фокусираме врз суштинските проблеми. Време е да создадеме вистински ’општествен договор‘ за владеење на правото и на човековите права како главни столбови на европските вредности

повеќе

Стратешко партнерство на македонската влада со Зока енерџи солушнс, компанија регистрирана за обработка и отстранување на опасен отпад, не е правилен начин за решавање на проблемот во мала држава како Македонија.

повеќе

Цивилизацијата би можела да се дефинира како глутница која има рационална потреба да ги легитимира и образложи своите колежи, грабежи и узурпации.

повеќе