ВО БУДИМПЕШТА

Просторна инсталација на Марија Христовска Стевковска и Ѓорѓе Јовановиќ е дел од фестивалот „Сигет“

Архитектката Марија Христовска Стевковска и ликовниот уметник Ѓорѓе Јовановиќ на овогодишното јубилејно 25. издание на еден од најголемите европски музички фестивали, „Сигет“ во Будимпешта, изработија архитектонско - скулптурална инсталација „Pleasure letters“ (Букви за уживање).

Инсталацијата функционира и како уметничко дело и како дел од забавните содржини на фестивалот. Таа претставува собиралиште на посетителите и вклучува различни содржини. Иницијалната идеја произлегува од користењето/играњето со буквите од името на фестивалот. Секоја буква е пресоздадена во објект/ простор за различни активности: одмор, дружење, интерактивно фотографирање, игра итн. Изработени се шест објекти со вкупна должина од 25 метри. Изработени се од различни материјали: метал, дрво, пластика, дигитални отпечатоци со цел да одговараат на различни намени.

Инсталацијата е дел од програмата на фестивалот „Art of freedom“ која им овозможува на младите креативци да ги презентираат своите идеи и таленти.

Фестивалот „Сигет“ се одржува од 09 до 16 август. Минатата година го посетиле околу половина милион посетители, а годинава главни ѕвезди на музичката програма се PJ Harvey, Rudimental, The Kills и многу други. Изминатите години и македонски музичари учествувале на фестивалот, а ова е прв пат македонски визуелни автори да добијат можност да се претстават во рамки на ликовната програма.

Проектот на Христовска Стевковска и Јовановиќ беше избран на конкурсот на фестивалот „Сигет“, во февруари. Буквите објекти се изработуваа изминатите неколку месеци во Скопје и Охрид со поддршка на фирмата специјализирана за изработки од метал „Урбана оаза“, фирмата за изработка на мебел „Форма“ и на студиото за печатење и графички услуги „ПроМедиа“.

И ако граѓаните или Владата очекуваа дека Јункер на Заев ќе му даде покана со датум за влез на Македонија во ЕУ, тогаш живееме во илузии.

повеќе

Опкружени со балкански хипернационалности, Македонците мора да се борат со тезите дека се „измислен народ“. Всушност, сите идентитети, меѓу кои и грчкиот, се изградени наративи со темели во историјата и во митот. На Македонците им треба име што го потврдува нивниот вистински идентитет независен од Бугарите, Србите или Словените воопшто.

повеќе

Некои политички партии вртат големи суми пари од нивното јавно и приватно финансирање.

повеќе