Порта Македонија

Отворена изложба на исламска калиграфија на иранскиот уметник Мохамад Реза Афшари

Уметнички дела на исламска калиграфија изработени на платно и на хартија од иранскиот автор Мохамад Реза Афшари се изложени од денеска до 24 февруари во Порта Македонија.

Иранскиот уметник, кој дипломирал и сега предава на Факултетот за убави уметности на Универзитетот во Техеран, на отворањето на изложбата истакна дека уметноста е дисциплина, но и терапија и дека се темели на три елементи кои се важни фактори за духовно издигнување: хармонија, баланс и ритам. Тие се, исто така, особености и на самиот уметник.

На изложбата се претставени 35 дела за кои, како што изјави Афшари, инспирацијата ја црпи од Куранот, така што и мотивите се, главно, од светата книга. Изложените дела се поделени во два дела – класична калиграфија и модерна калиграфија, изработени на хартија и на платно со употреба на различни бои.

 „Се обидувам делата да бидат поинтересни и попривлечни за секој посетител и да бидат разбирливи за сите јазици и култури. Главната порака во сите мои дела е почитта и мирот“, рече Афшари, кој работи и како инструктор во Иранската калиграфска асоцијација.

Изложбата  ја отвори министерот за култура Хусни Исмаили кој рече дека Персија е колепка на светската цивилизација со култура стара до пет илјади години, а дека изложбата на калигарфската уметност е само мал дел од нејзиното богатство.

„Калигарфската уметност потекнува од појавата на исламот кога го добива значењето и вредноста, почнувајќи со писмото. Калиграфијата е многу важен дел од исламската уметност и веќе 14 века е присутна во животот на муслиманите и во исламските земји, а џамиите се украсени токму со калиграфски уметнички дела“, рече Исмаили.

В.д. амбасадорот на Иран во Скопје, Мехди Мохаведи, рече дека покрај изложбата и програмата на ирански филмови во Кинотеката, од денеска до 23 февруари, во план е и книжевна средба посветена на персиската литература и нејзиниот одраз во иранските филмови. Иранската амбасада во соработка со групацијата „Welcome Macedonia“ ќе организира и утринско кафе на 20 март по повод празникот Новруз – Иранска Нова година.

На Фестивалот на современ македонски и ирански филм од денеска до 23 февруари во Кинотека ќе бидат прикажани осум филмови од иранската кинематографија. Ќе гостуваат и тројца ирански режисери – Сејед Маџид Реза Мостафави – режисер на „Астигматизам“ на 22 февруари и режисерите чии филмови ќе бидат прикажани на последниот ден (23 февруари):  Мохамад Али Саџади – режисер на „Развод заради мачки“ и Алиреза Мотемеди – режисер на филмот „Реза“. 

Даночните затајувачи сѐ почесто се мали фирми, кои сѐ потешко се следат.

повеќе

Повлекувањето на Обединетото кралство од ЕУ (Брегзит) е правен потфат без преседан во историјата на правото.

повеќе

Изминатата недела имаше бурен почеток со објавувањето на вториот сет мерки. Се изнаслушавме разно-разни коментари, предлози и видувања кои никако не би можело да се рече дека се засновани на прецизни анализи и предвидувања на надлежните институции во државата, со кои располагаме, НБРСМ и МФ.

повеќе