Отварање на изложбата „Влијанијата на Париската школа врз основоположниците на македонската модерна уметност“

Изложбата „Влијанијата на Париската школа врз основоположниците на македонската модерна уметност“ од колекцијата на Националната галерија вечер ќе биде отворена во Амбасадата на Република Северна Македонија во Република Франција.

Во еден мал, селектиран, концизен концепт и презентација, ќе се претстават најрепрезентативните дела од колекцијата на Националната галерија на Северна Македонија. Ќе се даде пресек на самиот развој на модернизмот во македонската уметност од почетокот на 20-от век и преодот од фрескоживопис и иконопис, кон уметност на световни мотиви.

Како што соопшти Националната галерија, Париска школа е назив за сите уметници кои по Првата светска војна и меѓу двете светски војни престојувале во Париз и оттаму извршиле големо влијание во развојот на модерната уметност. Во Париската школа спаѓаат уметници од различни стилски правци како: фовизам, кубизам, надреализам, како и претставници на енформелот.

Оваа школа и уметноста на Париз вршат големо влијание врз лицето и развојот на македонскиот модернизам и уметноста од почетокот, па сè до средината на 20-от век, бидејќи македонските современи уметници оделе во Париз на специјализации и студиски престои, со цел да ги усовршат академските поуки стекнати во регионалните Универзитети и Академии за ликовни уметности.

Тука спаѓаат, пред сè, основоположниците на македонската современа уметност: Димитар Пандилов Аврамовски, Лазар Личеноски и Никола Мартиноски, со директни или индиректни влијанија врз импресионизмот; кај првиот преку делата на Клод Моне, потоа фовизам и кубизам кај Личеноски или експресионизмот во делата на Никола Мартиноски.

И кај втората и третата генерација македонски едуцирани уметници се чувствува влијанието на Париз преку фовизмот кај Томо Владимирски и Борислав Траиковски, нео-импресионизмот и сезанизмот на Борко Лазески, надреализмот кај Спасе Куновски, кубизмот кај Димитар Кондовски…

Овогодинешниот процес во одлучување по конкурсот за финансирање на проекти за игран филм е селективен, корумпиран и компромитиран,

повеќе

Во споредба со 2019 година, просечното време поминато на социјалните медиуми во 2020 година се зголеми за рекордни 100% на сите платформи.

повеќе

Ковид-19 може да нѐ научи битни лекции за животот - дека почитта кон другите човечки суштества не е во честа која им ја даваме со пружање рака и тапкање по грбот, туку во суштинската грижа за нивната добробит и здравје.

повеќе