„Најцрната црна“ – изложба на Мицко Мице Јанкуловски во Њујорк

Синоќа во галеријата Артифакт (Artifact Art Gallery) во Њујорк беше отворена самостојната изложба на слики на Мицко Мице Јанкуловски „Најцрната црна“.

На изложбата беа претставени слики од најновата продукција на уметникот кој слика со најцрната боја - карбон, откриена со помош на нано-технологија. Верен на својот уметнички стил на минимализам, модуларност, мултипликација и монохромност, Јанкуловски се претстави пред публиката во Њујорк со извонренда поставка од слики со геометриска апстракција од карбон на платно и акрил на платно.

Куратор на изложбата е Емил Алексиев, галерист Мартин Бернштајн, а организација и комуникација на Сергеј Грегоријан и Корнелија Конеска.

Оваа е првата од двете изложби на уметникот во декмври 2022 во Њујорк. Следната изложба ќе се одржи во Галерија МЦ на 15 декември.

Јанкуловски како уметник во своето творештво е посветен на истражувањето во сликарството и цртежот, додека со децении е јавно присутен преку повеќе уметнички дисциплини како сликање на стакло, карикатура, анимиран филм, палиндроми...

Неговата биографија содржи повеќе од шеесет самостојни изложби во земјата и во странство и забележителни презентации на значајни меѓународни изложби и манифестации.

Јанкуловски е овогодишен добитник на највисоката државна награда за животно остварување „11 Октомври“ за уметност и е еден од најуспешните македонски уметници со меѓународна кариера. Покрај највисоката државна награда, Јанкуловски е добитник на бројни меѓународни награди, вклучително: Наградата „Најдобар уметник“ на Ларнака биенале 2021; Наградата Рембрант - за извонредност во уметност за 2020 (од Светската асоцијација за визуелни уметности); Наградата „Ел Греко“ на Арт Тесалоники 2019; Наградата „Лоренцо Ил Мањифико“ за животно остварување на Фиренца Биенле 2019; Наградата „Уметник на светот“ на Ларнака Биенале 2018; Гран при на Меѓународното биенале за графика Варна во 2017…

Почнавме со спротивставени мислења околу Законот за работни односи, со кој недела се прогласува за неработен ден. Завршивме на Уставен суд.

повеќе

Да ги споменеме и другите големи глобални предизвици: големите опасности од еколошка катастрофа; зголемувањето на нееднаквоста во нашите општества; и напливот на нови технологии кои можат да го нарушат светот доколку истите не бидат соодветно користени и контролирани.

повеќе

Им благодарам на Русите како креатори, но посебно на бугарските послушни  извршители за пропагандата што ја водат против Македонија. Што направија?

повеќе