Ликовните дела „Моите омилени нешта“ од Менсур Бојда изложени во Jaпонија

Серијалот на ликовни дела насловени „Моите омилени нешта“ од уметникот Менсур Бојда денеска ќе бидат изложени во галеријата „2-16“ во Окајама, Јапонија.

Изложбата е организирана во соработка со галеријата „2-16“ и јапонскиот куратор Риота Сато и е овозможена од културните органи од градот Окајама.

Изложбата насловена „Моите омилени нешта“ на уметникот Бојда четврти пат ја изложува низ светот. Тој првпат овие дела ги изложил во Њујорк во 2019 година, а потоа и во Скопје.

Третата поставка на делата инспирирани од пијано копчиња беше отворена за публика до минатата недела во галеријата на Домот за култура „Бранд Петрушев“ во Богданци. Заедно со истоимениот серијал на изложбата беше изложена и принт едиција од селектирани цртежи и слики од скорешното творештво на Менсур.

„Делата се инспирирани од функционалноста, како и од изработката на пијано што создава разновидност на емоции, пораки и идеи од едноставен склоп на правила, на зададен редослед на црно-бели копчиња“, вели Бојда.

Менсур Бојда е ликовен уметник кој во моментов живее и работи во Њујорк. Менсур е фигуративен експресионист и неговиот интерес досегнува до различни ликовни дисциплини како сликарство, цртеж, графика, скулптура, илустрација и стрип.

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе