Национална галерија на Македонија

Изложба Соблечени, женскиот акт како контекст

На 5 март, по повод празникот 8 Март Националната галерија ќе ја отвори изложбата под наслов „Соблечени, женскиот акт како контекст" во објектот Чифте амам, во 19,30 часот.

Традиционално, веќе трета година по ред, се придружуваме кон одбележувањето на меѓународниот ден на жената, 8-ми Март со уметнички концепт каде се величи жената како автор или како неисцрпен мотив. Таков е и проектот „Соблечени: женскиот акт како контекст“ од колекцијата на Националната галерија на Р.С. Македонија, соопштуваат од Националната галерија

Изложбата ќе вклучи женски актови изработени од автори од поранешниот југословенски простор – од колекцијата од поранешните југословенски републики, како и дела од македонската колекција. Ќе бидат претставени, актови или полуактови од авторите: Влахо Буковац, Петар Палавичини, Фрањо Кршиниќ, Тома Росандиќ и други, како и македонските Лазар Личеноски, Никола Мартиноски, Димо Тодороски, Борка Аврамовска, Спасе Куноски, Боро Митриќески, Иван Велков..., сè до дела со концептуален дискурс од помлади автори, како Ирена Паскали и Атанас Ботев.

„Како институција од областа на музејско - галериската дејност, први, а можеби и единствени, пласиравме концепт во насока на одбележување на овој меѓународен ден. Оваа година ја вклучивме колекцијата на Националната галерија со што нудиме видливост и афирмација, како на делата така и на авторите до пошироката публика“, порачува д-р Дита Старова Ќерими, директорка на Националната галерија, која воедно и ќе ја отвори изложбата. 

Даночните затајувачи сѐ почесто се мали фирми, кои сѐ потешко се следат.

повеќе

Повлекувањето на Обединетото кралство од ЕУ (Брегзит) е правен потфат без преседан во историјата на правото.

повеќе

Изминатата недела имаше бурен почеток со објавувањето на вториот сет мерки. Се изнаслушавме разно-разни коментари, предлози и видувања кои никако не би можело да се рече дека се засновани на прецизни анализи и предвидувања на надлежните институции во државата, со кои располагаме, НБРСМ и МФ.

повеќе