Изложба „Остен биенале на цртеж – Скопје 2020“ во галеријата Мала станица

Од денеска до 18 март во галеријата Мала станица  може да се посети изложбата „Остен биенале на цртеж – Скопје  2020 – наградени уметници и финалисти“.

На биеналето учествуваа 260 уметници од 44 земји со 819 дела, а селекторот Емил Алексиев избра 135 уметници и од нив 75 беа избрани за финалисти.

За наградените автори одлучуваше меѓународно жири во состав: Катрин Бекер, Германија (уметнички директор на Центарот за современа уметност „Киндл“, Берлин), Ларс Курулф Милер, Данска (директор на музејот „Борнхолмс“) и Жолт Петрани, Унгарија (раководител на одделот за современа уметност во Националната галерија на Унгарија во Будимпешта).

Селектираните уметници на „Остен биеналето на цртеж – Скопје 2020“ и „Остен биеналето на наградени автори 2019-2020“ беа претставени на изложба во октомври минатата година во галеријата Чифте амам, по повод 75-годишнината на „Остен“.

Наградите за кои одлучува Советот на амбасадори на Остен, на Остен биеналето на цртеж Скопје 2020 се: ГРАН ПРИ за животно остварување - Емилија и Илја Кабакови, Русија / САД, награда Светско културно наследство - Оскар Кокошка, Австрија, Посебно Гран при за извонредни уметнички остварувања - Јоргос Ксенос, Грција, Посебно Гран при за извонредни уметнички остварувања - Таки Павловски, Македонија.

Награди во соработка на САВУ (Светската асоцијација за визуелни уметности): Уметник на светот - Ецио Грибалдо, Италија, Награда Рембрант за извонредност во уметноста - Мицко Мице Јанкуловски, Македонија.

Наградите од жирито и Остен ќе бидат официјално соопштени и доделени (на оние уметници кои ќе бидат присутни) на 18 март (четврток), 19 ч. во Националната галерија на Македонија - мултимедијален центар „Мала станица“.

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе

Можеби по нас ќе дојдат некои нови клинци што прегрнати ќе го слушаат мртвиот Џоле и ќе го разберат подобро отколку што го разбравме ние на кои со години жив на глуви уши ни пееше за љубовта.

повеќе

За државата Македонија, Македонците се посебен народ со повеќевековна традиција, кои зборуваат, творат, се радуваат и тагуваат на македонски јазик, веќе со векови, во и надвор од територијата на нашата држава.

повеќе