Изложба на дигитални графики на Билјана Билбилоска

Вечерва во 20 часот во галеријата на Кинотека на Македонија во Скопје, ќе се отвори самостојната изложба „Хоризонтала и вертикала" на Билјана Билбилоска. На изложбата ќе бидат изложени дигитални графики направени во текот на 2019-2020 година, инспирирани од средновековната византиска уметност.

Се работи за спој помеѓу византиската уметност и современите уметнички текови во сферата на графиката, заедно со современите алатки за ликовно изразување.

За изложбата, академскиот сликар Никола Пијанманов вели:

„Овие дела комуницираат со минатите времиња и со техниките на старите мајстори живописци. Затоа се толку длабоки, но во исто време и толку едноставни, како прочистени од талогот на историјата. Стилизацијата на византиската естетика е доведена до совршенство на минималистичкиот уметнички потег. Цртежот е остар и прецизен како напукнат кристал. Но графиките се само навидум црно-бели, колоритот е пригушен и раскошен, суптилно сокриен во енергијата на формата. Овие графики функционираат како современи икони.“

На иста линија рецензира и Мијалко Ѓунисијевиќ, академски сликар, кој вели: „Ова е начинот на кој Билјана Билбилоска се обидува да го сврти вниманието кон една голема традиција која е потребна во ова време повеќе од кога било. Оваа изложба е еден вид мисија што се обидува да нѐ повика кон повторно исчитување на својата традиција на еден современ и пред сѐ, оригинален начин... Билјана не нуди одговори, туку го поставува прашањето: што е тоа канон? Оваа изложба е повеќе платформа за дијалог отколку нудење на некое решение за оваа проблематика.“

Во либералните демократии веќе со години се продлабочува политичката поларизација, се намалува довербата во владеењето на правото и, институционално гледано, состојбата општо се распаѓа.

повеќе

Како по ѓаволите успеаја политичарите да го претворат токму Гоце Делчев во повод за поделби и омраза?

повеќе

Независна Македонија не може да се пофали со успешно менаџирање на етничките прашања, а првите „грешки“ се прават во првите денови од независноста.

повеќе